ماشوم کې په ځان د باور پیدا کولو پنځوس 50 مهمې او ګټورې خبرې

1) د نورو په وړاندې د خپل ماشوم صفتونه وکړه.
2) مه یې پریږده پر ځان نیوکه وکړي.
3) هغه ته خوږې جملې کاروئ، ورته وایه: “مهرباني وکړه” او “مننه”
4) د ماشوم په توګه چلند ورسره کوه، او پرېږده یې چې ماشوم واوسي.
5) پخپله د پریکړو کولو باره کې یې مرسته وکړه.
6) لامبو وروښیه
7) په کوم مناسبت او غونډه کې یې دروند میلمه کړه.
8) له هغه نه د هغه د رايي پوښتنه کوه، کله یې په کوم يوه کار کې رایه عملي کوه
9) د هغه د چارو له پاره کور کې ځانګړی ځای معلوم کړه، په بریالیتوب سره یې چې کوم کارونه سر ته رسولي وي له هغو سره د ده نوم ولیکه.
10) ملګرتیا جوړولو کې یې مرسته وکړه، ماشوم کشرتوب کې د ملګرتیا جوړولو په چل نه پوهیږي.12) خپل ماشوم ته وروښیه چې له خپلې ډلې یا ګروپ سره به ګډ کار څنګه ترسره کوي.
13) د پوښتنې چل وروښیه او پوښتنه کولو ته یې وهڅوه.
14) هغه پوه کړه چې ته پخپلو ملګرو کې یو مقام لرې.
15) ته چې کومه پریکړه کوې د هغې اسباب ورته روښانه کړه.
16) د مدرسې/ښوونځي لومړۍ ورځ په مدرسه/ښوونځي کې ورسره تیره کړه.
17) د خپل ماشوتوب کیسې دې ورته وکړه.
18) کله هغه ته د استاد رول ورکوه او ته یې شاګرد کیږه.
19) ماشوم ته وروښیه چې که فرضا کله ورک او نادرک شي، کور به څنګه پیدا کوي.
20) هغه ته وروښیه چې یوه خبره به څنګه ردوي او غلط کار ته به څنګه “نه” وایي.
21) ماشوم ته نورو ته د څه ورکولو چل وروښیه.
22) هغه ته د خپل ځان د اهمیت او مقام احساس ورکړه، هغه باید پوه کړل شي چې ده ته الله وړتیاوې او صلاحیتونه ورکړي دي.
23) هغه پوه کړه ستا سره یوځای لمونځ وکړي، او په الله د ایمان او باور ګروهه او عقیده یې په ذهن کې پخه کړه.
24) د خپل نظر څرګندولو چل وروښیه، او دا چې باید خبرې څنګه وکړي، او په زړه کې یې چې څه وي هغه څنګه خلکو ته روښانه کړي.
25) هغه دې پوه کړل شي چې لارښووني باید څنګه ولولي او څنګه د هغو پیروي وکړي.
26) هغه پوه کړه چې څنګه به ځان ته اصول او مسؤلیتونه ټاکي او د هغو پیروي به څنګه کوي او څنګه به یې پلي کوي.
27) هغه باید پوه کړل شي د ناروغي یا ناڅاپي خوږیدلو درملنه او پټۍ به څنګه کوي.
28) د ماشوم هره پوښتنه باید ځواب شي.
29) له هغه سره شوې وعده باید پوره شي.
30) هغه ته باید د پخلي لومړي اسانه کارونه ورزده کړل شي، لکه هګۍ پخول، الوګان تیارول، ډوډۍ ګرمول او داسې نور..
31) په مال کې د برکت قوت او د دعا اهمیت وروښیه.
32) خپل ماشوم ته مناسب پیسې ورکړه چې د اړتیا په وخت یې ولګوي.
33)  څه یادولو او حفظ ته یې وهڅوه.
34) له خپل ځانه او بدنه د دفاع چل وروښیه.
35) د خپل ځان په اړه چې کوم شکونه او اندیښنې لرې د هغو په اړه تفصيلي ځواب ورکوه.
36) هیڅکله یې مه تهدیدوه او مه یې ترټه.
37) د ناسم کار له پېښیدلو مخکي تنبیه ورکوه.
38) له ناکامي سره د مخامخ کیدلو چل وروښیه.
39) له خپل مال او شتمني نه د ګټې اخیستلو طریقه وروښیه.
40) یو داسې کار چې ستا او ده دواړو له پاره نوی وي له هغه سره یې یو ځای تجربه کړه، خو چې پایله یې مخکي درته معلومه وي. دا مطلب چې مثبته پایله لري
41) هغه خبر کړه چې ته مینه ورسره لرې، په غیږ کې یې نیسه په دې سره هغه کې په ځان باور پیدا کیږي.
42) هره ورځ یې د دیني کتابونو په لوستلو عادت کړه.
43) ځانګړې ورځ ورته وټاکه او هغه کې په ناڅاپه توګه کوم ګټور شی او کړنه وروښیه.
44) د ماشوم په اړه که کومه ښکاره غلطي درنه وشي د هغې معذرت ورنه وغواړه.
45) له كورنيو څارويو سره چلند وروښیه.
46) د هغه کړنې او بریالیتوبونه وستايه او د هغو لیکل وروښیه.
47) مسؤلیت ته وږې ورکول او مسؤلانه کارونه پرمخ بیول وروښیه.
48) ښه او غوره اخلاق او اصول وروښیه.
49) د نر او ښځې تر منځ توپیرونه وروښیه.
50) د خپلو خوبونو او هیلو په اړه یې هوښیار کړه او ویې هڅوه چې هیلې ولري.