د نړۍ تر ټولو ستره استخباراتي بوديجه
د نويو نړيوالو شمېرو له مخې د امريکا استخباراتي بوديجه د نړۍ په کچه تر ټولو ستره او لوړه استخباراتي بودیجه ګڼل کېږي، امريکا هر کال د خپلو استخباراتي فعاليتونو او جاسوسيو لپاره يو تريليون (۱۰۰۰ ميليارد ډالره) ځانګړي کوي.
ويل کېږي، دغه بوديجه د امريکا په دننه او د نړۍ په ګوټ ګوټ کې د امريکايي ګټو د خونديتوب په موخه استخباراتي چارو باندې لګول کېږي.
همدا اوس په امريکا کې ۱۷ استخباراتي څانګي او ادارې فعاليت لري او د معلوماتو او اطلاعاتو پر راټولولو بوخت دي، دغه سازمانونه همدا راز د نړۍ په بېلا بېلو هېوادونو کې هم فعالیت لري.
د کتونکو په باور د نړۍ په بېلابېلو برخو کې جګړې او نښتې، د هيوادونو او ولسونو ترمنځ لانجې او تاوترېخوالی راپېدا کول، همدا راز د زياترو هيوادونو وېش د امريکا د استخباراتي ادارو د فعاليتونو زېږنده ده، چې د امريکايي ګټو د خونديتوب په موخه ترسره کېږي، حال دا چې په دغو پېښو هر کال په زرګونه انسانان قرباني کېږي.
۲۰۱۶ م کال
