د درې جمع يو فارمول سره پرمختګ وکړئ
د هر مهارت د لوړولو لپاره د درې جمع يو فورمول په کار دی. دغه فورمول ساده او هر وخت د کارېدو وړ دی.
لومړی: د خپل مسلک په اړه هره ورځ لږ تر لږه له ۱۵ تر ۳۰ دقیقو مطالعه وکړئ. پوهه د ساتلو وړ شی ده؛ څومره چې ډېره زده کړه کوئ، همدومره ډېر به ډاده شئ چې خپله دنده تر ټولو په سمه بڼه ترسره کولی شئ.
دویم: په خپل موټر کې د مسلک اړوند غږیز پروگرامونه وآورئ. په منځنۍ کچه هر چلوونکی په کال کې له ۵۰۰ تر ۱۰۰۰ ساعتونو په موټر کې تېروي. د چلولو وخت مو د زده کړو پر وخت بدل کړئ, حتی يوازې په موټر کې د خپل مسلک اړوندو غږیزو پروگرامو په اورېدلو سره
په کافي اندازه پرمختگ کولی شئ.
درېیم: د خپل مسلک اړوند په روزنیزو پرواگرمو او سیمنارونو کې گډون وکړئ. د ډېری خلکو ژوندونه د خپل مسلک اړوند پر مهمو موضوعاتو په جوړو شویو یوه یا دوو پروگرامونو کې تر گډون وروسته په بشپړ ډول بدل شوي دي.
څلورم: په دې پړاو کې پر هغه څه تمرین وکړئ, چې په پورتنيو دريو پړاوونو کې مو زده کړي دي. هر کله چې يوه ښه نظریه آورئ، سملاسي عمل ورباندې وکړئ. هغه کس چې يوه نظريه اوري او عمل ورباندې کوي, په ځلونو تر هغه کس غوره دى چې سلګونه نظريې اوري؛ خو پر يوه يې هم عمل نه کوي.
سرچینه:
کتاب: موخې
