د آرام ژوند لپاره دا ټکي ولولئ
- خوښی او غوښتنې د دریاب دوه غاړې دي تاسو په يوه وخت کې په دواړو نشئ تللی نو ځکه د هغوی په منځ کې برابري او اعتدال راولئ.
- په کور کې وﺉ ، او که په دفتر کې په ایماندارۍ او مسئوليت سره کار کوﺉ کله به هم ستړيا احساس نه کړﺉ
- زيات سګريټ ، چای او یا کوک څښل نه يواځې دا چې تاسې په احساساتي توګه ناروغوي بلکې د هغه په عادت اخیستو سره نا ارامي در بښي.
- د زړه سوي واړه واړه کارونه او د مينې وړې وړې خبرې زمونږ د ذهن د خوښۍ تضمين دی.
- که چېرته مونږ د غچ او کسات اخیستو په ځای يو او بل وبښو نو بيا خو به دا ځمکه مونږ ته د خوښيو باغ وګرځي ځکه چې په بښلو کې لويي ده.
- مونږ په ټول ژوند کې د بې شمېره اندېښنو او ويرو ښکار کېږو مګر په هغو کې زيات بیا اساس نه لري په ځان باور او ډاډ لرل د هغو مکمل علاج دیږ
- ساده غذا … لږ خوراک … لږه مالګه … لږ مرچ …. او زياتې اوبه کارول تاسو روغ او تازه ساتي.
- دغوسې پر مهال يو ګيلاس يخې اوبه څښل تاسو ته ارام دربښي.
- له سيوري نه مه ویرېږﺉ ځکه هغه د رڼا زیری لري
- د ذهني نا ارامۍ په مهال ورزش ښه او بهترين علاج دی
- وړو وړو پېښو ته اجازه مه ورکوﺉ چې تاسو اندېښمن او ذهنی ارام مو تباه کړي
- دا یاد ولرﺉ چې تاسو ټول شيان په يوه وخت کې لاسته نشئ راوړلای نو ځکه هغه يو يو کړﺉ او بيا يې لاس ته راوړﺉ
- يواځې هغه وعده کوﺉ چې بيا يې پوره کولای شئ
- څه چې نشئ کولای چاته يې په خوله مه يادوﺉ
- پرهېز او متوازنه غذا ښه ډاکټر دی
- د ښو کتابونو مطالعه د علم د زياتېدو تر څنګ سړي ته ارام وربښي.
- لیکنه : ډاکټر شګفته تقوا
زباړه : ش. احمدزی
