حجاب په اړه د یو عالم دلیل
وائی یو ځل یوبریطانوي ځوان د مسلمانانود یو عالم څخه وپوښتل چې : ستاسی په دین کې ولی یو نارینه نشي کولای د یوی پردۍ ښځی سره مصافحه او ستړی مشي وکړي ؟
مسلمان عالم دغه نصرانې ځوان ته وکتل او په ځواب کې ئی ورته وویل:أیا دا امکان لري چې هر څوک دی ستاسی د هیواد ملکه الزابت سره ستړی مه شي وکړي ؟
بریطانوی ځوان ورته وویل: نه ، هیڅ کله هم داشونی نده ، بلکه یو لړ مشخص او ځانګړي خلک په ځانګړو شراېطو او وختونو کې کولای شي چې ورته ورشي ، روغبړ او ستړی مه شي ورسره وکړي .
نو مسلمان عالم ورته وویل : زمونږ په اسلام کې هره میرمن ستاسی د ملکه الزابت په څیر ده ، چې د یو څو مشخصو وګړو پرته، نور څوک ئی د ستړی مه شی حق نه لري .
دغه ځوان تری بیا وپوښتل : ستاسی په دین کې ولی هره میرمن له کوره بهر خپل ځان پټوي ، چې نه ئی څوک ویښتان اونه ئی بدن لیدلای شي ؟
دغه عالم ورته موسکې شو ، او بیا ئی جلبۍ را واخستی ، ځینی ئی په یو ښکلي لوښي کې پټی کیښودی ، او ځینی ئی په ځمکه ورغورځولي چې په خاورو ککړی شوی، او دغه ځوان ته ئی وویل: اوس که تاته وویل شي چې له دغه جلبیو څخه یو څه ئی رواخله، نو ته به کومی جلبۍ انتخابوی ؟
ځوان ورته په ځواب کې سمدلاسه وویل : حتمي ده چې همغه به انتخابوم کومی چي تا په قاب کې پاکې ایښودی دي .
دغه عالم ځواب ورکړ: دا هماغه کړنلاره ده چې مونږ ئی د میرمنو په وړاندی کاروو.
نو اسلامي سپڅلي اخلاق میرمنی له اخلاقي ککړتیا او پریوتو کړنو څخه ژغوري .
