لنډه کیسه

ګوډ تیمور او د سرونو دیوال جوړول

نه د غلو په وژلو غلا ورکيږي او نه د غریبانو په وژلو غربت

ګوډ تیمور په خپل کتاب (منم تیمور جهان گشاه) کي لیکي:
” کله چه مي دایران د نیشاپور ښار د نیولو له پاره جګړه پیل کړه نو ددي ښار خلکو سخت مقاومت وکړ، زما عسکرو ته يي ډیر تلفات واړول او زه يي ډیر په قهر کړم. نو غوښتل مي نړي ته یوه عبرتناکه کیسه پریږدم چه ټول خلک ورڅخه عبرت واخلي. په دي ښار مي سخته حمله وکړه او خپلو عسکرو ته مي وویل: هر چا چه ماته پینځه سرونه راوړل نو یو درهم به ورکړم. په دوو ورځوکي يي ماته دوه لکه سرونه را ټول کړل او ما ورڅخه داسي یو څلي جوړ کړ چه د درواغجن خبره لوړوالي يي تر اسمانه رسیده. دا کار مي ځکه وکړ چه بیا هیڅوک له ما سره د مقاومت او جګړي جرت ونه کړي “

تاریخي شواهد ښیې چه حتي دي کار هم کومه ګټه ونه کړه، جزا ورکول، تحقیرول، بندي کول، د بدن غړي غوڅول او حتي وژل کومه ګټه نه لري. روسانو انګریزانو، او نن نړیوال ایتلاف په میلیونونو افغانان ووژل خو له دي کاره هیچا عبرت وانخیست او نه يي له جګړي او مقاومته لاس واخیست.

 

donate

wasiweb.com

wasiweb.com Publisher Team publish your sent articles. you can send your articles to publish, also you can be author with us. Share the website and articles with your friends

خپل نظر مو دلته ولیکئ

Back to top button
error: