![ګونديتوب او لاس وهنې (حسن البنا) 1 2H 7793](https://wasiweb.com/wp-content/uploads/2019/02/2H-7793.jpeg)
ګونديتوب او لاس وهنې (حسن البنا)
ګـــــــــــرانو!
زه په دې عقيده لرم چې همدا بې ځايه اختلافونه او يو دبل پښې وهل او همدا كرغيړن ګوندي نظامونه دملت په چاروكې دپرديو لاس وهنې ته زمينه برابروي، په ګوندي نظامونو كې چې كله يو ګوند په بل باندې برلاسى شي نو دښمن په كمين كې ناست وي، انتظار باسي او چې كله فرصت پيدا كوي هغه بل ته په شا ډب وركوي او مقابل ګوند ورباندې راغورځوي او په اصطلاح دبيزو او پيشوګانو لوبه جوړه كړي او ملت ته ددې مسابقو نتيجه، دبرم او عزت، خپلواكۍ او اّزادۍ، اخلاقوا وارزښتونوله بايللو پرته بل څه نه وي.
وروڼو! مونږ خو يو داسې ملت يو چې لاتر اوسه مو خپله خپلواكي او اّزادي پوره لاسته نه ده را وړې او لاخوتر اوسه له هر لوري دپرديو سترګې غټ غټ مونږ ته ګوري، نو دخپل پوره استقلال او كاملې خپلواكۍ دلاسته راوړلو او ددښمن د سترګو د ړندولو لپاره له يو والي او يو بل ته دنږ دې كيدلو پرته بله طريقه او لاره نشته.
امام شهيد حسن البناء
(دځوانانو ته خطاب كتاب څخه)