افغانستان مشاهیر

ډاکتر محمد يوسف

Dr. Mohammad Yousuf

ډاکتر محمد يو سف په ۱۴ د اکتوبر ۱۹۶۵ دافغانستان صدراعظم مقرر شو . که څه هم په افغانستان کی تازه ولسی جرګی او مشرانو جرګی په کار شروع کړی وه او د افغانستان اساسی قانون تازه پاس شوی وو ، صدر اعظم د پاچا له خوا تعين شو دا ځکه چه د افغانستان ديموکراسی نوی وه او د پارلمان غړو تجريبه نه در لوده .

ډاکتر يوسف که څه هم ښه کار کاوه اما دده مقرری د صدراعظم په توګه په پارلملن کی ناراضی را منځ ته کړه داځکه چه ډاکتر يوسف د محمد داود خان د کابينی غړی وو . پارلمان غوښته چه یو سړی صدر اعظم شی چی هغه په هيڅ کابينه کی کار نه وی کړی حتی یو سړی وی چه هغه د حکومت په کارو کی هيڅ تجريبه ونلری . ببرک کارمل او اناهیتا راتب زاد په هغه وخت کی د پارلمان غړی وه . دوی تر ټولو زياد پر داکتر يوسف نيوکی کولی چی داسړی د صدراعظمی لپاره لياقت نه لری او نه شی کولای چی مملکت اداره کړی .

د پارلمان غړی بی تجريبی خلک وه ، د پارلمان په مجلس کی به يی یو و بل ته بد ویل او ښکنځل به يی کول . له همدی کبله پارلمانی کارونه مخ ته نه تله . د پارلمان په یوه مجلس کی چه ډیر محصلين هم حاضر وه ، ناڅاپه ډاکتر یوسف پارلمان ته ور ننوتی اوپه یوه ډیره غضب ناکه وينا يی شروع وکړه ، ډاکتر يوسف وويل :

زه ستاسی مخی ته د پوښتنو او جوابونو لپاره ولاړ یم ، تاسی زه دوزير په ټوګه پیژندلی یم . په هغه وخت کی تاسو زما خبری خوښولی او چک چکی مو کولی . اوس چه تاسی ما د صدر اعظم په توګه ردوی ، بایه یو دلیل ولری . راسی ، اوخپل دلايل ارائه کړی چه موږ ټوله خبری پر وکړو ، زموږ نور مهم کارونه په مخ کی دی .

دډاکتر يوسف دا خبری د ټولو خوښی شوی اوهيڅ چا څه ونه ويل . هغه چپيان لکه ببرک کارمل او اناهيتا راتب زاد چپ پاته شول او دلائل یی بي ځایه وبلل شول . يواځنی سړی چه د ډاکتر يوسف په مقابل کی ودريدی او جواب يی ووایه ، هغه د پاچا مشاور خليل الله خليل وو ، ده وويل :

زموږ نظر دادی چه ته مريض يی او ځان ته بایه استراحت ورکړی . دصدراعظمی کار پر تا ډیر زياد دی او تا نور هم پسی مريض کوی . د ښاغلی خليل ودی بي معنا خبرو ته ټول حیران شول . ډاکتر يوسف په جواب کی ورته وویل : زه روغ او جوړ یم ، فقط زما ډاکتر کولای شی ماته ووايی چه زه استراحت ته ضرورت لرم که نه . زه ستا محترم ښاغلی خليل څخه خواهش کوم چه د غلطو معلوماتونو او بی ځایه اطلاعاتو د خپرولو څخه ځان وساتی .

تر لنډی مباحثی وروسته ډاکتر يوسف دافغانستان د صدراعظم په توګه د پارلمان له خوا تصديق شو . په دغه ورځ کوم وخت چه د شورا وکيلان د پارلمان د تالار نه دوتلو په حال کی وه ، ببرک کارمل بيله اجازی مکروفو په لاس کښی واخست او د هغه محصلينو څخه چه پارلمان ته د اوريدونکو په حيث راغلی وه ، تشکر وکړ چه دوی د پارلمان و مباحثو ته غوږ نيولی وو . ببرک وويل : د ټولو محلينو نه خواهش کوم چه هر وخت و پارلمان ته راشی او دلته په ناسته کی ګډون وکړی . په راتلونکو ورځو کی دومره زیات محصلین و پارلمان ته راتله چه حتي د پارلامان د وکیلانو پر چوکیو به ناست وه او وکيلانو ته به يی د هغو چوکی نه ور پریښودلی . محصلينو به په لوړ اواز چيغی وهلی او ویل به يی چه موږ دا چوکی تر هغه وخته نه پريږدو تر څو زموږ غوښتنی پوره نه نشی . هيڅ چا ته معلومه نه وه چه محصلين څه غواړی . په دا بله ورځ کوم وخت چی د پارلمان وکيلانو د سحار پر ۷ بجی و غوښته و پارلمان ته ننوزی ، محصلينو ټولی لاری بندی کړی وی . په دغه ورځ د پارلمان ناسته سبا ته وځنډول شوه . په دا سبا ورځ د پارلمان وکيلانو د پارلمان له ريس نه چی ډاکتر ظاهر وو ، وغوښته چی د پارلمان دروازی د محصلينو پر مخ بندی کړی .

په ۲۵ د اکتوبر ۱۹۶۵ سحار پر ۹ بجی کوم وخت چی دافغانستان صدر اعظم ډاکتر يوسف و غوښته و پارلملن ته ورننوزی ، محصلينو لاری پر بندی کړی . ډاکتر يوسف له محصلينو نه وغوښته چه خپل نماينده ګان و صدارت ته ور واستوی تر څو دی هلته له هغوی سره ددوی پر غښتنو خبری وکړی . ددی وينا په اوریدو سره محصلينو د پارلمان لاری خلاصی کړی . د تګ په وخت څو محصلينو د حبيبیی ليسی کړکی په ډبرو وویشتلی . د کړکیو ټولی هنداری ماتی شوی . تر دی عمل وروسته عسکری ځواکونه راورسیدل او خطا ټکان يی وکړه . پدی خطا ټکانو کی يو محصل او دوه نور عادی کسان مړه او یو څو محصلين زخمی شول. مظاهری فوراً پای ته ورسیدی او مظاهره چیان تیت او پرک شول . له دی حالت نه چپی کمونستانو استفاده وکړه او پارلمان ته يی خبر ور سوی چی د عسکرو په ټکانو کی ۲۰۰ نفره ووژل شوه او پر سړکانو د وينو ویالی بهيږی . ددی مرګ ژوبلی ټول مسئوليت کمونستانو پر پارلمان او ډاکتر يوسف ور واړول . کوم وخت چه ډاکتر يوسف وليدل چی حتي مرګ ژوبلی يی پوری وتړلی ، د صدراعظمی نه يی استعفا وکړه . په ۲۵ اکتوبر ۱۹۶۵ د ډاکتر يوسف صدراعظمی تر ۱۱ ورځو وروسته پای ته ورسیده او ببرک کارمل ، اناهيتا راتب زاد او خليل الله خلیل په خپلو هدفونو کی کامیاب شول .
ټول افغانستان

donate

wasiweb.com

wasiweb.com Publisher Team publish your sent articles. you can send your articles to publish, also you can be author with us. Share the website and articles with your friends

خپل نظر مو دلته ولیکئ

Back to top button
error: