په لمانځه کې توجه بل خوا ځي، څه وکړو؟

که په لمانځه کې فکرونه درځي‌، دا لارې چارې عملي کړئ!

١- مخکې د لمانځه څخه کينۍ او لږ ذکر وکړئ ، او يا د قرآن کريم تلاوت وکړئ، چې زړه او روح مو د اللهﷻ د عبادت علاقه مند شي.

٢ – د لمانځه څخه وړاندې داسې وانګېرئ چې ممکن دا زما وروستنی لمونځ وي.

٣ – له ځان سره ژمنه وکړئ چې لمونځ به په عاجزۍ او پرته له هوش پرکۍ ترسره کوم.

٤ – تصور وکړئ چې د يو پياوړي او توانا ذات په وړاندې ولاړ او له هغه سره خبرې کوٸ.

٥ – په لمانځه کې ډيره پاملرنه په عاجزۍ وکړئ او خپل ځان د هغه رب په وړاندې حقير او محتاج احساس کړئ.

٦ – آهسته او په آرامتيا سره د لمانځه کلمات ولولٸ.

٧ – هر هغه څه چې په لمانځه کې لولۍ معنا ته يې پام وکړئ.

٨ – مخکې له لمانځه که وږي يا تږي ياست يو څه وخورٸ، ترڅو په لمانځه کې ستاسو د بيړې سبب نشي، خو کوښښ بايد وشي چې په ماړه نس لمونځ ونشي.

٩ – په ارام او يوازې ځاى کې لمونځ وکړئ.

١٠ – د لمانځه په ځاى کې بايد مخې ته مو انځور، ټلوېزيون او داسې شى، چې د پام وړ ګرځي، نه اوسي.

١١ – کوښښ وکړئ د رب عاشق اوسئ ځکه عاشق د معشوق سره د اندکه خبرو کولو لپاره هم شېبې شماري.

١٢ – حلال لاس ته راوړئ او حلال وخورئ.

١٣ – دا ذکر ډير واياست (لااله الا الله محمد رسول الله) .

١٤ – مرګ له ياده مه باسئ، ځکه همدا مرګ دى چې انسان د غفلت له خوبه ويښوي او همدا مرګ دى چې د انسان نفساني خواهشات وژني.که مو لوستلی وی نو کمینټ کی جزاک الله ولیکی

Advertisement | Why Ads? | Advertise here

پوهنتون چینل

پوهنتون چینل درسره سبسکرایب او شریک کړئ

سبسکرایب Subscribe


Editorial Team

د واسع ویب د لیکوالۍ او خپرونکي ټیم لخوا. که مطالب مو خوښ شوي وي، له نورو سره یې هم شریکه کړئ. تاسو هم کولی شئ خپلې لیکنې د خپرولو لپاره موږ ته راولېږئ. #مننه_چې_یاستئ
wasiclinic.com
Back to top button
واسع ویب