د ډير وخت راهيسى د دى دوو الفاظو په معنا او مطلب نه پوهيدم حال دا چې د ورځې د دولسو بجو نه وروسته به ” PM ” ليکل شوي و او د شپې د دولسو بجو نه وروسته به ” AM ” ليکل شوي و .
دا څلور الفاظ ( AM — PM ) په اصل کې لاتيني توري دي چې هر يو د يوى کليمې مخفف دى .
لومړى د ” AM ” معنا ته راځو :
دا د لاتيني ژبى د ” Ante Meridiem ” اينټ ميريډيم مخفف دى چې معنا يې د نصف النهار څخه مخکې ده يعنى د ماسپښين څخه وړاندى وخت ښيې .
همدا شان ” PM ” هم د لاتيني ژبى د ” Post Meridiem ” پوسټ ميريډيم مخفف دى چې معنا د نصف النهار څخه د وروسته وخت ده يعنى کله چې مونږ 1 : 00 pm ليکو د دى مطلب دا دى چې د نصف النهار څخه وروسته اول ساعت دى .
ژباړه ، ترتيب او زياتونه : سلمان قريشي