په درملو لړل (Disinfection)
د سامانونو، توکو او سطحو ستره والی اود ککړيدو دمخنيوي په درملو لړل (Disinfection):
- د وړانگو او تودوخې برسیره کلورین، ایتر، الكول، کلوروفارم، اسيدي او وازده ويلې کونکی مواد لرونکي میکروب وژونکي توكي كرونا ویروس وژلی شی.
- د ککړتیا د مخنیوي کیمیاوي موادو سره باید پام وکړو ځکه که الکول په پراخه کچه وشیندل شي یا پخلنځي دننه ښايي اور واخلي او رنګ لرونکي کیمیاوي توکي له نورو سره د ګډولو او نري کولو پء مهال ښايي زهري ګاز تولید او زیان ورسوي.
- د لارو، کوڅو او نورو کارېدونکي توکو په میکروب ضد درملو د ککړولو او خوندي ساتلو چاره باید ترسره شي.
- اړونده ادارې او کارکونکي باید په ټولگټو سيمو د ککړتيا د مخنيوي درمل وپاشي او خلکو ته ډاډ ورکړي.
- هره ورځ دککړتيا ضد موادو سره خونې، دهلیز، تشناب، میز، چوكي او نور وسایل پرې مينځو.
- د ککړتيا د مخنيوي لپاره د ناروغ شخص بستره او کالي له ۶۰ درجو پورته گرمو شويو اوبو او صابون پريولو.
- ددې چارې دترسره کیدو پرمهال باید دستکشې وکاروو او وروسته خپل لاسونه په صابون او اوبو پريولو.
- ککړ توکي،كاغذي دسمال،يوځل کاریدونکي دستکشی او نور باید په احتياط جمع او په مناسب ځاى کې وغورځول شي.
- د ناروغ د خوړو لوښي تر خوړو وروسته پرصابون او اوبو ښه پریولل شي او یا یو ځلې کارېدونکي لوښي وکارول شي.
- د تودوخې پر وړاندې مقاومت لرونکي توكي د پنځلسو دقیقو لپاره په جوش اوبو کې خوټولو سره پاک کړو.
د خطري فکتورونو (لاملونو) پیژندل او پدي لاملونو اخته خلکو روغتيا ته ځانگړې پاملرنه :
تراوسه له کوییـد ۱۹ ناروغي ډیر زوریدونکي او قربانیان روغتیایي کارکونكي، د لوړ عمر لرونکي، د مزمنو ناروغیو لرونکي او د شرابو او سګریټو څښونکي په ګوته شوي دي، نو باید:
- روغتيايي کاركونکي د روغتیا پالنې او ناروغانو د تشخیص، درملنې او چوپړ پرمهال بايد د خوندیتوب ځانگړي توكي لکه ماسک، لاسکښې، چپن، دسر تعقیم شوې خولی، له ککړتیاد خونديتوب درمل او داسې نور په ځانگړې توگه وكاروي.
- په کورنيو کي د لوړ (۶۰ کلنو پورته) عمر لرونکو مشرانو روغتيا او سلامتيا ته ځانگړې پاملرنه وکړو.
- په مزمنو ناروغيو (سرطان، قلبي او ريوي ناروغيو، زېړي، چاغوالی، سالنډۍ، فلج او داسې نورو ناروغیو اخته) کسانو منظمه درملته او له نورو جلا ساتل له ياده ونه باسو.
- د سیگریټ څکونکي او نورو نشه يي موادو کارونكو روغتيا ته ځانگړې پاملرنه وشي.
