مسلمان پوهان

فاطمه المجریطیه| د اندلس ریاضي پوهه میرمن

فاطمه المجریطیه د مشهور ریاضي بوهه أبو القاسم مسلمة بن أحمد المجريطى لور وه، مسلمه د ریاضي، فلکیاتو او کیمیا ټول منلی عالم په مجریط (د اوسنۍ هسپانیه مډریډ) کې زیږیدلی و، قرطبه کې یې زده کړي کړې وې او د اندلس د ریاضي پوهانو امام او سرخیل بلل کیږي، د ( الحکم المستنصر) خلیفه په زمانه کې دی د اندلس تر ټولو ستر ریاضي پوهه بلل کیږي. بلکي هغه وخت کې د نړۍ وتلی ریاضي پوهه و، داراز فلکیاتو کې هم هغه خورا لوی کارونه کړي دي، فلکیاتو کې یې د بطلیموس کتابونه عربي ته وژباړل، د المجسطي ژباړه یې ترتیب کړه او الخوارزمي جدولونه یې په نوې بڼه برابر کړل او د مساحت او مثلثاتو برخه کې یې نوښتونه رامنځته کړل.

فاطمه د همدې ریاضي پوه مسلمه لور ده، دې د لسمي میلادي پېړۍ پای او یولسمي پیل کې اندلس کې ژوند کړی دی، او هغه مهال ریاضي او فلکیاتو کې د نړۍ په سطحه منل شوې عالمه وه، چې په اړوند برخه کې یې خورا ستر کارونه ترسره کړي دي، المجریطیه ځکه ورته وايي چې دا د هسپانیه مجریط ( اوسنی مډریډ) کې ژېږيدلې ده.

فاطمه د خپل پلار شاګرده وه، هغه سره یې د هغه په مختلفو څېړنو او تجربه کې برخه لرله، د ریاضياتو او فلکیاتو علوم یې له خپله پلاره زده کړي و، د اندلس د حکومت پلازمینه “قرطبه” کې یې ژوند کاوه، هغه خپل وخت کې د فلکیاتو او ریاضي مشهوره عالمه وه او په دې علومو کې یې لیکني او کتابونه تصنیف کړي دي، په دې لړ کې یې د “تصحيحات فاطمة” په نوم کتاب ډېر مشهور دی، دا راز د اسطرلاب په اړه یې هم یوه رساله لیکلې ده، د هسپانیه د ( اسکوریال) په نوم کتابتون کې یې اوس هم دا کتاب شته.

هغې خپل پلار سره د الخوارزمي د فلکي جدولونو په څېړنه او تصحیح کې هم مرسته کړې ده، هغه مهال فاطمي او پلار یې د الخوارزمي فلکي جدولونه داسې برابر کړي وو چې د قرطبه ښار د زوال له کرښي سره په مناسبت همدا ښار د نړۍ د توقیت مرکز ګرځولی و، لکه څنګه چې موجوده زمانه کې ګرینویچ د نړیوال وخت پېژندلو مرکز ګرځيدلی دی. د اندلس د تاریخ یو ماهر مانویلا مارین د فاطمه المجرطیه په اړه وايي: هغه د اندلس میرمنو کې تر ټولو زیاته پوهه میرمن وه، هغه چې د انساني تاریخ جوړولو کې یې پوره ونډه لرلې ده.

د سوریه د فلکیاتو د ټولني مجلة (هواة الفلك) 100 ګڼه /تاند

  د تلاوت کوونکي مسلمان مثال
  څنګه د ښه مسلمان په توګه ژوند وکړو؟
  مسلمانانو تعداد په نړۍ او اروپايي هیوادو کې

Tags

wasiweb.com

wasiweb.com Publisher Team publish your sent articles. you can send your articles to publish, also you can be author with us. Share the website and articles with your friends

خپل نظر مو دلته ولیکئ

Back to top button
error:
Close
Close