روغتیايي زیانونهروغتیايي لارښوونېماشوم او اولاد روزنه او پالنه

ساینس: د ماشومانو چوشکونه د خطرناکو ناروغیو سرچینه ده

یوې تازه څیړنې ښودلې چې د ورځني استعمال توکو په ځانګړي ډول د ماشومانو د شیدو چوشکونو/فیډر کې داسې کیمیاوي مواد دي چې د بې حده چاغښت ناروغۍ شونتیا زیاتوي.

څیړنه په ګوته کوي چې د انسان د ودې په لومړنیو مراحلو کې د “بيسفينول A“ کیمیایي مادې چې لنډیز نوم یې “BPA” کارول کیږي په زیاته پیمانه ددې خطر زیږوي چې د عمر وروستیو پړاوونو کې بیحده چاغ/څرب شي.

څیړونکې زیاتوي چې مخکنیو څیړنو په ډاګه کړې وه چې همدا ماده د زړه د ناروغیو شونتیا هم زیاتوي.

څیړنه وایي چې کیدلی شي دا زیانونه حتی د “بيسفينول A“ مادې ترټولو کم مجاز استهلاک څخه هم پیښ شي. (“بيسفينول A“داسې ماده ده چې د پلاستیکي توکو جوړولو کارول کیږي او په چاپیریان منفي اغیز لرونکې بلل کیږي) امریکا کې د دغې مادې ترټولو زیاته اندازه استعمال د بدن د وزن هرې کیلو په تناسب ورځ کې ۵۰مایکرو ګرامه دی.

څیړونکي وایي چې « بيسفينول A» د بدن هغه هورمونونه تبدیلوي کوم چې د غذایي استاځيتوب مسئولیت لري، او پدې ډول چاغښت زیږوي.

د لندن پرونیل پوهنتون، نیویارک پوهنتون، او امسټرډیم کې د فریجي پوهنتون په ګډه ۶۱ هغه څیړنې تحلیل کړي چې موږکانو کې د دغې کیمیایي مادې اغیز لاندې راتلل او د چاغښت او غوړونو موم کیدلو کچې ترمنځ تړاو په ډاګه کوي.

پایله دا را ووتله چې د نمو(وړکتوب) مرحله کې «بيسفينول A» کارول د ژوند وروستیو مراحلو کې د بیحده زیات چاغښت خطرونه زیاتوي.

همداراز، ددې مادې استعمالول په بدن کې غوړ زیاتوي، چې مخکنیو څیړنو د زړه په ناروغیو د اخته کیدو خطر سره تړاو ورکړی دی.

پرونیل پوهنتون څخه ددې څیړنې مولفه جولیی لیګلر وایي دا څیړنه هغه پایلې تاییدوي چې مخکنۍ څیړنو په ډاګه کړې وې چې بيسفينول A ماده کارول بدن کې د زیږولو، د سینو د غدّو نمو/وده، د پیژند/معرفت، او غذایي استاځولۍ دندو باندې منفي/ویجاړوونکي اغیز کوي.

ژپاړه: عبدالله «ویښ»
صافی بنسټ خبرتیا Safi Foundation Ads Donation

wasiweb.com

wasiweb.com Publisher Team publish your sent articles. you can send your articles to publish, also you can be author with us. Share the website and articles with your friends

خپل نظر مو دلته ولیکئ

Back to top button
وسیع ویب
error: