![د نړۍ د لوړو زده کړو ريکارډ لرونکی شخص 1 10 64941](https://wasiweb.com/wp-content/uploads/10-64941.jpg)
د نړۍ د لوړو زده کړو ريکارډ لرونکی شخص
د Michael Nicholsonn په نامه شخص چې د امريکا د ميشيګان ایالت اوسېدونکی و، د لوړو زده کړو ۳۰ سندونه یې درلودل، نوموړي ۵۵ کاله ټول په پوهنتون کې تېر کړي وو ، په دې لوړو سندونو کې یې يو ليسانس (بچلر)، دوه فوق ډيپلوم،دوه ويشت ماسټريانې، دری د تخصص لوړ سندونه او يوه دوکتورا درلوده چې د لويديځ ميشيګن پوهنتون څخه یې په ۱۹۷۸ کې کړې وه. زياتره زده کړې یې د ایجوکېشن په برخه کې وې لکه (ايجوکېشن لېډرشيپ، لايبرري ساینس، سکول سايکولوجي، هوم ايکنومي، هېلت ايجوکېشن، کريمنل جسټيس، او نورو… کې. نوموړی په معاصر وخت په بشري تاريخ کې تر ټولو ډېر علمي سند لرونکی شخص و.
دی وايي چې هغه پيسې چې ګټلې به مې په هغو به مې زده کړې کولې او دا زده کړې داسې هم نه وې چې يوازې سندونه مې اخيستل په هغو برخو کې مې بهترين کار او زده کړه هم کوله او نه مې له داسې پوهنتونونو اخيستې دي چې هغه دې مشهور او معتبر نه وي.