د میوه لرونکو ونو شاخبري
شاخبري د میوه لرنکو ونو لپاره زیاتې ګټې لري، لکه د شاخبري په واسطه د میوه لرنکو ونو عمر زیاتیږي یعنې تر ډیر وخته پورې د میوې ورکولو توان لري، د میوې کیفیت او کمیت ورسره اصلاح کیږي، ونې تندرستې وي او همدارنګه هغه شاخونه چې زاړه دي د میوي تولید توان نه لري که غوڅ کړل شي نو ونې نوې شاخونه کوي او د میوې ورکولو توان پیدا کوي.
عمومي ډول میوه لرونکې ونې په درې وختونو کې شاخبري کیږي. منی، ژمی او د پسرلي لومړی وختونه.
هغه سیمې چې ژمی یې ډیر سوړ نه وي، ونې په مني او ژمي کې شاخبري کیږي، خو هغه سیمې چې ډیر سوړ ژمی لري ونې د ژمي په اخر یا پسرلي په لومړیو وختو کې شاخبري کیږي. په مني کې ځکه نه شاخبري کیږي چې په ژمي کې د یخ وهنې ویره وي.
هغه چا چې ونې تر اوسه ندي شاخبري کړي، کولی شي چې د حوت او یا د حمل په میاشت کې ونې شاخبري کړي. په شاخبري کې به د ډیر احتیاط څخه کار اخلی، ځکه هغه ونې چې لویې دي او غټ شاخونه ترې پرې کوی، یو څه خطرناکې وي هم د کارکوونکي لپاره او هم د ونې او شا او خوا نورو ونو لپاره. په درکړل شویو عکسونو کې تاسې د شاخبري څخه مخکې او وروسته د ونو ډولو نه لیدلی شي او همدا رنګه د غټو شاخونو پریکولو طریقه په عکسونو کې ښودل شوې ده.
که د دې موضوع په اړه کوم اضافه معلومات غواړی او یا تاسې سره معلومات وي، غواړی چې د هیوادولوسره یې شریک کړی، د کرنې او مالداري پاڼه ستاسې په خدمت کې ده.
![د میوه لرونکو ونو شاخبري 5 16002857 373241409705695 2088974714143785449 n.jpg? nc cat=103& nc sid=8024bb& nc eui2=AeGB0 vfimg6y5k7YR30L8FLyDJ8pjjx03rIMnymOPHTevCNQZXNvg9YHK0kQ dvPde6BNRujKoKvg13bV8DWYa1& nc ohc=gDtCOgxW3Y4AX9NI7Pp& nc ht=scontent.fkrt2 2](https://scontent.fkrt2-2.fna.fbcdn.net/v/t1.0-9/16002857_373241409705695_2088974714143785449_n.jpg?_nc_cat=103&_nc_sid=8024bb&_nc_eui2=AeGB0_vfimg6y5k7YR30L8FLyDJ8pjjx03rIMnymOPHTevCNQZXNvg9YHK0kQ_dvPde6BNRujKoKvg13bV8DWYa1&_nc_ohc=gDtCOgxW3Y4AX9NI7Pp&_nc_ht=scontent.fkrt2-2.fna&oh=4d506343612fccfd59d80f92cf5f235e&oe=5ED80ACF)
په درنښت
م.ا.مقبل