دینونه او مذاهب

د قيامت حساب دعيسايانو په اند

نصاری دقيامت په ورځ عقيده لري خوورسره په دې عقيده هم دي چي دقيامت په ورځ به حساب حضرت عيسی عليه السلام ته و سپارل شي اوهغه به دخلگوسره حساب کوي.
په دې هکله په انجيل يوحناکي بيان راغلی دی:لکه چي پلارمړي پاڅوي اوهغوی ته ژوندورکوي دغه شان زوی هم هرچاله چي وغواړي ژوندورکوي .بياداچي پلارديوه کس هم عدالت نه کوي دعدالت ټول کاريې زوی ته سپارلی دی(انجيل يوحناباب ۵آيت :۲۱ ،۲۲)
همدارازلږوروسته ليکي: دابن آدم په حيث هغه ته دااختيارهم ورکړل شوی دی چي هغه عدالت وکړي.په دې حيرانېږئ مه ځکه چي يوداسي وخت راتلونکی دی چي هغه ټول څوک چي په قبرونوکي دي به دده داوازاوري.اوچاچي نيکي کړې وي هغوی دتل ژوندون  لپاره اوچاچي بدکړي و ي هغوی به سزالپاره راپورته کړل شي.(انجيل يوحناباب ۵آيت ۲۷، ۲۹):
همدارازدپولس په دوهم خط کي چي کورنتيانوته يې استولی وو،راغلي دي:ځکه ضروري ده چي موږټول به دمسيح دعدالت دتخت مخ ته ورځو،زموږټولوحالت به ښکارکړل شي،څوهرڅوک دخپلوکارونوبدله ومومي کوم چي ده په خپل بدن سره کړي وي،که هغه ښه وي اوکه بد(دکورنتيانوپه نوم دپولس دوهم خط باب۵ آيت۱۰)
ددوی ددغودلائلوجواب دادی چي ستاسودامسئله به هلته ثابتېږي چي ستاسودليل ثابت شي.
ستاسودليل اوسنی انجيل اودپولس خط دی.
دانجيلونوپه هکله به وروسته تحقيق راشي چي دااوسني اصلي انجيلونه نه دي اودپولس دخط جواب دادی چي دده خبره هم دمنلووړنه ده ځکه نوموړی متعصب يهودي دی،دخپل تعصب پربنياديې په نصرانيت کي غلطي مسئلې ورگډي کړلې چي ترده مخکي يې سابقه نه درلودله چي يوه مسئله يې داهم ده.
په دې هکله صحيح عقيده داده چي دحساب اختياردالله پاک سره دی اوالله پاک به په خپله دبندگانوسره حساب کوي،دااختياربل چاته نه سپاري الله پاک په قرآن کريم کي فرمايلي دي:ان اليناايابهم،ثم ان عليناحسابهم(سورة الغاشية آيت:۲۵ ،۲۶)
ژباړه:يقيناددوی راگرځېدل زموږلورته دي بياددوی حساب کول پرموږباندي دی!!
ددې وجه داده چي حساب پوره قدرت اوپوره علم غواړي دادواړه صفات يوازي دالله پاک دي نوځکه حساب کول هم يوازي دالله پاک کاردی.

مولوي عصمت الله عزام

Tags

wasiweb Team

لیکوونکي : د وسیع ویب لیکوالي ټیم

خپل نظر مو دلته ولیکئ

Back to top button
error:
Close
Close