د خولې د بد بوۍ لاملونه څه دي؟
تازه څیړنې وايي، چې کله هم خوله بوې کوي، نو پوه شئ چې ددغه بوې علت دغاښونو یا د وریو خرابوالی نه بلکې هغه دانسان دبدن دننه دناروغیو له امله دی.
په لندن کښې په یوه ترسره شوی تحقیق کښې معلومه شوې ده، چې د انسان له خولې راوتونکی بوې یا ساه په بدن کښې د موجودو اوو (۷) ناروغیو نښه ده .
که دانسان له خولې راوتونکی ساه سره یوځاې د بورې د چاکلیټ په شان خوشبو یا د امونیا په شان بوې رواځي، دا د شکرې یعنی دشوګر(DIABETES) د ناروغۍ نښه ده .
که چیرې دانسان له خولې د کافور په شان بوې خیژی نو پوه شئ چې داډول سا د عفونت یعنی اینفیکشن (INFECTION) سبب دی .
که چیرې دانسان خوله د خوسا شیدو په شان بوې کوي، نو پوه شئ چې په بدن کښې دکاربو هایډریټس (CARBOHYDRETES)کمی دی .
که چیرې دانسان له خولې د بد بوې لرونکی غوښې (MEAT)په شان بوې خیژی نو پوه شئ چې دغه چاره دانسان په مرې کښې دټانسلز د خرابې نښه ده .
که چیرې دسهار په وخت دمسواک له کولو وروسته هم دخولې بوې ختم نه شي، نو دغه چاره دخولې د وچوالی سبب هم کیدلای شی .
دانسان له خولې د کب (FISH)په شان دبوې وتل دګردو یا بډورکو دخرابیدا نښه ده .
کله نه کله د انسان د وریو خرابیدل د انسان د ډکو میتیازو په شان بوې هم کولای شی او له دې کبله دسړی یا ښځې له خولې د ډکو میتیازو په شان بوې خیژی .
که چیرې دکوم سړی یا ښځې له خولې بد بوې خیژی نو په اړه یې باید غور وکړئ او له ډاکټر سره ضروری مشوره وکړئ .
ژباړه : شریف شاهین
