اوبه، چای او څښاک

تور چای هډوکي پیاوړي کوي

څېړنو ثابته کړې، هغه کسان چې تور چای څښي د هغو په پرتله چې هېڅ چای نه څښي، پياوړي هډوکي لري او د هډوکو د وروستوالي پر ناروغۍ نه اخته کيږي. چینایي څېړونکو تر ۱۵ کلنو څېړنو او پلټنو وروسته ثابته کړې چې په ورځ کې د درې یا څلور ګيلاسه چای څښل، ۳۷ سلنه د هغو عواملو مخنیوی کوي، چې د هډوکو د وروستوالي سبب کيږي. دغه راز ويل شوي، چې ټول څښاک ورته خاصیت یا ځانګړنه نه لري.
د بېلګې په ډول، قهوه چې ډېر کاله د چايو پر ځای کارول کيږي د هډوکو له پياوړي کولو سره مرسته نه کوي.

څېړونکي لا نه دي بريالي شوي چې ثابته کړي، چای ولې د هډوکو له پياوړتيا سره مرسته کوي. ډاکټران وایي، فلوراید، کلیسم او نور معدني مواد هډوکي قوي ساتي.

دغه راز تور چای د انټي اکسیدانو تر ټولو ښه سرچینه ده چې د بدن دفاعي سيسټم پیاوړی کوي او د وینې د لوړ فشار مخه هم نيسي. څېړونکي وایي، د تور چای ښېګڼې یوازې دا نه دي، بلکې د شکرې ناروغۍ د کنټرول لپاره هم ګټور تماميږي.

 

 

safi foundation

wasiweb.com

wasiweb.com Publisher Team publish your sent articles. you can send your articles to publish, also you can be author with us. Share the website and articles with your friends

خپل نظر مو دلته ولیکئ

Back to top button
error: