Uncategorized

باید ملي ګټو ته ژمن واوسو!

دا چې افغانستان د ټولو افغانانو ګډ کور دی نو دا کور په ټولو وګړو مساوي حق لري ، کله چې موږ د افغانیت نارې وهو او ځانونه ددې خاورې وارثین بلو ، نو اړتیا ده چې په عمل کې هم ځانونه ددې وطن حقیقي وارثین ثابت کړو .
‎څنګه ځانونه ملي ثابت کولی شو؟

‎لومړی دا چې موږ وایو چې موږ افغانان یو دا هم باید درک کړو چې افغانستان زموږ ټولو ګډ کور او ملي ګټې د ټولو افغانانو ګډې دي او باید ترې ساتنه وکړو .
‎کله چې له ملي ګټو څخه یادونه کوو باید له ملي ګټو یو مشترک تعریف ولرو.
‎خاوره، سرحدونه، ښوونځي، اقتصادي پروژې، روغتونونه، فابریکې، ژبه، ملي سرود، ملي هویت،بیرغ، امنیتي ځواکونه ، قومونه ، او په ټوله کې نظام د هېواد ملي ګټې دي ، هر افغان باید دغو ملي ګټو ته ژمن واوسي ، ځکه چې همدا زموږ د هېواد د پاره اساس او د هېواد د ټولو اوسیدونکو د پاره حیاتي ارزښت لري .
‎ کله چې د هېواد ملي ګټې هر افغان ته ارزښتمندې شي نو هغه وخت پرديپاله کړۍ زموږ په هېواد کې ماتې خوري .
‎یو شمېر اشخاص چې موخې يې نورو هېوادونو ته جاسوسي کول دي تل يې هڅه کړې چې د افغانانو په منځ کې نفاق ته لمن ووهي ، او د افغانستان ملي ګټې زیانمنې کړي، د افغانستان ولس په موجوده نظام بې باوره کړي .
‎د افغانانو اړتیا دا ده چې د افغانستان ټول قومونه ومني ، د یو بل ژبې ومني ، د یو بل کلتور ومني، د یو بل په وړاندې زغم ولري .

‎په افغانستان کې روانه جګړه د افغانستان یوه قوم پورې هم تړلې نده ، دا جګړه د هر افغان ژوند اخلي ، نو کله چې یو خاص قوم د جګړې څخه متضرره کېږي اړتیا نشته چې د بل قوم په وړاندې تعبیض وښودل شي
‎د سیمې استخباراتي کړۍ هڅه کوي چې زموږ په خاوره کې د داخلي جاسوسانو په لاس د افغانانو یووالی له منځه یوسي ، د افغانانو باور له منځه یوسي ، دافغانانو ملي ګټې متضررې کړي ، او په افغانستان کې روانه جګړې ته قومي رنګ ورکړي ، کله چې موږ افغانان بېداره شو، د یو بل په وړاندې زغم ولرو ، د نظام ملاتړي واوسو، ملي تر شخصي ګټو لوړې وګڼو ، کورني جاسوس ته په خپل کور کې ځای ورنکړو، هم به مو هېواد ساتلی وي ، هم به مو ملي کټې ساتلې وي ، هم به مو یووالی ساتلی وي ، نو په نتیجه کې به د یوه مقتدر او پیاوړي نظام او افغانستان لرونکي واسو.

پښتنه کیلواله

donate

wasiweb.com

wasiweb.com Publisher Team publish your sent articles. you can send your articles to publish, also you can be author with us. Share the website and articles with your friends

خپل نظر مو دلته ولیکئ

Back to top button
error: