تعریفونه | تشریحات او اړوند

ارتداد یا مرتد کیدل یعنې څه؟

ارتداد يا مرتد کيدل دې ته وايي چې سړی د اسلام څخه وروسته کافر شي ، هغه که قولي ،فعلي يا اعتقادي وي لکه د الله تعالی د ربوبيت او د رسول الله صلی الله عليه وسلم له رسالت او د نورو پيغمبرانو او آسماني کتابونو څخه انکار کول ، يا د الله تعالی ، پيغمبر او قرآن په شان کې مسخري کول ، يا د داسې څه چې هغه په اجماع حرام وي حلال کڼل يا په شريعت کې د حلال څيز حرام ګڼل ، يا د اسلام د ارکانو څخه انکار کول ، يا د آخرت بعث بعد الموت څخه انکار کول او بت ، ستوري ، اور وغيره ته سجده کول او نور هغه که قولي وي يعني په ژبه د ارتداد وينا کول فعلي وي په عمل کې ارتداد تر سره کول يا اعتقادي وي د کفر او ارتداد عقيده لرل يا په الله تعالی ، رسولانو ، آسماني کتابونو او شريعت باندې ټوکې ، مسخرې او سپکاوی کول او داسې نور کفري اعتقاداتو ، افعالو او سپکاوي باندې مسلمان د اسلام له دايري څخه وځي .

وَلَئِن سَأَلْتَهُمْ لَيَقُولُنَّ إِنَّمَا كُنَّا نَخُوضُ وَنَلْعَبُ قُلْ أَبِاللّهِ وَآيَاتِهِ وَرَسُولِهِ كُنتُمْ تَسْتَهْزِؤُونَ 65 لاَ تَعْتَذِرُواْ قَدْ كَفَرْتُم بَعْدَ إِيمَانِكُمْ (۶۴-۶۵ التوبه ) .

( او قسم دی که پوښتنه وکړی له دوی څخه چې تاسې ولې استهزا کوﺉ نو دوی به وايي چه يقيناً مونږ خو لوبې او ټوکې کولې ، ووايه (ای محمده ! دوی ته چه ) آيا پر الله او د الله په آيتونو او د الله په رسولانو باندې مو استهزا او مسخرې کولې ، عذرونه مه کوﺉ تاسې (مونږ ته په دروغو سره ) يقيناً کافران شوې يئ تاسې وروسته له ايمان راوړلو ) .

که صادقانه توبه و نه باسي او په همدې حالت کې مړ شي کافر به مري او د هغه ټول نيک اعمال عبث دي :

:« وَمَنْ يَرْتَدِدْ مِنْكُمْ عَنْ دِينِهِ فَيَمُتْ وَهُوَ كَافِرٌ فَأُولَئِكَ حَبِطَتْ أَعْمَالُهُمْ فِي الدُّنْيَا وَالآخِرَةِ »[بقره:217]

(او له تاسې څخه چې څوک مرتد شي – له خپل دين څخه وګرځي او د کفر په حالت کې مړ شي نو د هغه اعمال په دنيا او آخرت کې باطل دي ) .

safi foundation

wasiweb.com

wasiweb.com Publisher Team publish your sent articles. you can send your articles to publish, also you can be author with us. Share the website and articles with your friends

خپل نظر مو دلته ولیکئ

Back to top button
error: