د غبرګولي آتمه د پښتو ورځ ونمانځل شوه.
1398/3/8
د ژبژغورنې ملي غورځنګ لخوا د پښتو ورځ د اطلاعاتو او کلتور وزارت په تالار کې د يوې غونډې په ترڅ کې ونمانځل شوه.
ياده غونډه د قرانکريم په څو مبارکو آيتونو پيل شوه، او ورپسې ملي سرود وغږول شو.

بيا د ژبژغورنې ملي غورځنګ بنسټګر ابوبکر ځلاند د پښتو ورځې په مناسبت هر اړخيزې خبرې وکړې ، او د مورنۍ ژبې په ارزښت وغږيد.

وروسته بيا شپږ کميټې جوړې شوې ، او هرې کميټې ته لارښوونه وشوه، چې پښتو ژبه څنګه د سوداګرۍ ، رسنۍ، اقتصاد، ښوونې،پوهنې، او د نړيوالو اړيکو ژبه شي.

د ټولو کميټو په استازولۍ ، يو ، يو نفر په يادو موضوعاتو خبرې وکړي ، او پښتو ژبې ته يې د حق غوښتنه وکړه.

په ورستېو کې د ګډون کوونکو، د ستړيا د لمنځه وړلو په پار د پښتو ژبې اړوند ښکلي شعرونه ، او ترنمونه واورول شو.

وروسته استاد نورحمان ليوال د پښتو ژبې په اړوند وغږيد، او د ابوبکر ځلاند په شمول يې د ټولو ژبژغورنې ملي غورځنګ له غړو مننه وکړه، ښاغلې ليوال زياته کړه ، چې پښتو ژبې سره بې عدالتي کېږي او حق ندى ورکړل شوى ، نوموړى وويل چې د دومره ښې غونډې جوړولو فکر يې هم نه وو کړى.

وروسته بيا د ژبژغورنې ملي غورځنګ ، مشر ابوبکر ځلاند صيب ته يو کتاب ، او لونګۍ ډالۍ شول.
په ياده غونډه کې د جمال ناصر اصولي، استاد اسمعيل يون، سربېره په سلونو ځوانانو ، خويندو ګډون کړى وو.

چې پکې مختليفو رسنيو ګډون کړى وو
.
ياده غونډه د دعا په کولو پاى ته ورسېده.

راپور:توراج الحق ، پښتونزى