د هدیرو پر قبرونو مې ولوستل چې … | خلیل جبران
خلیل جبران وایي: د هدېرې پر بېلا بېلو قبرونو مي دا لیکنې تر سترګو شوې:
د یؤه غریب پر قبر لیکل شوي وو:
لوڅ نړۍ ته راغلم، لوڅي پښې مي ژؤند وکړ او لوڅي پښې اخيرت ته لاړم.
د یؤه دولتمند پر قبر مي دا کرښي ولیدې:
ټول کسان مي پر پیسو راضي کړل،خو یوازي د مرګ پرېښته وه چي پر پیسو راضي نۀ شوه.
د یؤه لېؤني پر قبر مي ولؤستل:
روغ رمټ او هوښیار نړۍ ته راغلم او روغ رمټ ژؤند مي وکړ، خو ستاسو د کړنو لۀ امله مي ځان لېؤنی اچؤلی و.
د ډاکټر پر قبر دا لیکنه وه:
د هري ناروغۍ درمل شته،خو د مرګ نۀ.
د يؤه زړۀ ماتي کس پر قبر داسي لیکلي وو:
ما یؤ ځل قیامت لېدلی بیا قیامت ته نۀ یم خفه.
د یؤ ځوان پر قبر دا لیکل وو:
یؤ بل مۀ ازارؤئ!
پر خدای قسم چي پښیمانه کېږئ به!
د یؤ بې کوره پر قبر لیکل شوي وو:
شکر الحمد لله بالاخره د کور مالک شؤم.
د یؤ ماشوم پر قبر دا لیکنه وه:
شکر چي لوی نۀ شؤم او پۀ وحشت کي شریک نۀ شؤم.
د یوې مور پر قبر دا کرښه لیکل شوي وه:
هیله لرم چي زما پر بچیانو پاملرنه وکړئ!
د یوه یتیم پر قبر داسې لیکنه وه:
خوشال یم چي مور او پلار ته ورځم.
او د یوې تازه کونډي شوي ناوي پر قبر د هغې ټیکری ځؤړند ؤ او دا خبره پرې لیکل شوې وه:
زۀ به یؤ ځل بیا د مېړۀ میرمن شم او کونډه به نۀ یم.
