د سرطان سببونه
هرکال نړي کې لس ميليونه خلک په سرطان اخته کېږي. دامريکا متحده ايالاتو کې په سلو پنځه ویشت مرګونه د سرطان له امله رامنځته کېږي.
عموما فکر کیږي چې سرطان اکثرا د جینیټيک او محيطي/چاپیریالي عواملو/لاملونو له کبله رامنځته کېږي خو برعکس نوي څیړنې د سرطان يو عامل د حجروي تقسيماتو/ویش د خطا په نتيجه کې راتګ ښيي. د خطاګانو ډيريښت د عمر سره تړاو لري.
د ۳۱ مختلفو سرطانونو څخه يوازې ۹ ډولونه جینیټيک او محيطي عواملو په سبب رامنځته کېږي. د صحي ژوند په کولو سره کولي شو د هر لس ډول سرطانونو څخه د څلورو مخه ونيسو.
د مثال په ډول دشرابو نه څښل٬ د سېګرېټو نه څښل، متوسط چاغښت یا منځني وزن ساتل او صحي تغذيې سره د سرطان خطر کمولي شو.
که محيطي عوامل په نظر کې ونيسو د سرطانونو ۴۰ – ۴۵ فيصده پورې زيات وزن او خرابی تغذيې له کبله٬ ۲۵ – ۳۰ فيصده پورې سېګرېټ له کبله٬ ۱۵ – ۲۰ فيصده پورې د نورو مر يضيو له کبله، او پاتې نور: د حد نه زياتو شرابو څښلو، سترس/ذهني بوج٬ سپورت نه کولو، د چاپېريال چټلتيا او هوا خرابوالي له کبله پیښیږي.
د نامناسبې تغذيې ترټولو زيات دغو سرطانونو سره تړاو موندلي: لويې کلمې٬ معده٬ پروستات٬ پانکراس٬ کیسه صفرا٬ او رحم سرطان.
سرطان په لاندې غړو کې پيدا کېږي:
مغز ۱ ٪
پوستکی ۱۰ ٪
تناسلي برخه: نرانو کې ۲۰٪ ، ښځو کې ۸٪
سينه ۱۴٪
هاضمې سيستم ۲۵٪
تنفسي سيستم: نران ۲٪ ښځې ۳٪
ځيګر او کيسه صفرا ۳٪
نور غړي ۸٪
الله پاک دې مونږ تاسو او ټول مسلمانان له دې ټولو وساتي. آمین
ترتيب او ژباړه : منيب الرحمن رحماني
