![سکون په څه کې دی؟ 1 2H 27232](https://wasiweb.com/wp-content/uploads/2019/10/2H-27232.jpg)
سکون په څه کې دی؟
ډېر خلک فکر کوی چې ارام ویده کېدل او د سکون لاس ته راوړل یو مشکل کار دی او په پورتنی بیت باندې پورته یقین او باور لري او رښتیا هم دا ځکه چې هغوی ته د سکون د لاس ته راوړلو لار معلومه نه ده .
ګرانو لوستونکو ! زه پوهېږم چې پورتنۍ موضوع ستاسو لپاره ډېره په زړه پورې او ډېر خلک په دې لټّ کې دی چې د سکون او اطمینان د لاسته راوړلو لارې پیدا کړي تر څو له ژونده خوند واخلي او له ژونده حقیقي خوند اخیستل د بري او کامیابۍ اساسی راز دی .
ډېر خلک د سکون د نه لاس ته راوړلو یعنې نارامۍ له وجې ځان وژنې ته مجبورېږي او ددې د حل لارو په لټه کې ډېر روحي او غیر روحي ډاکټران ستړي شوي خو هلو ځلو یې په مکمل ډول کومه نتیجه نه ده ورکړې ، خو دتاسلام مقدس دین چې د هر مشکل د حل لار په کې په واضح او څرګند ډول بیان شوې د سکون د لاس ته راوړلو لپاره هم یوه کامیابه لار راښودلې او هغه ذکر او په خدای جل جلاله کلکه عقېده لرل دي چې د یوه نا اشنا او معجزه ډوله سکون او اطمینان سبب ګرځی ، یعنې هغه څوک چې ذکر کوي له ډېرو غمونو سره سره خوشحاله دي او هغه څوک چې ذکر نه کوي اکثراً د ډېرو خوشحالیو سره سره ناارامه او غمجن دي او دا نارامي او غم بې سکونه خلک څان وژنې ته مجبوروي او همدا علت دی چې په غرب کې د ځان وژنو شمېر په زیاتېدو دي.
سره له دې چې ډېرې بیسې او ډېر امکانات هم لري له دې ځایه پوهېږو چې سکون د ښو امکاناتو او ډېرو پیسو په شته والي پورې اړه نه لري بلکې ذکر کول یې غوره او حقیقي لار ده ، د ذکر معنی د خدای یادونه ده که په لا اله الاالله ویلو وي یا په الله اکبر یا په تسبېح (سبحان الله) یا په تحمید(الحمدلله) وي یا په استغفار(استغفرالله) وي.