احکام او مسایلحکمونهګناهونه

کوډګر اوفال بين ته د ورتګ حکم څه دی؟

کوډګرو کاهينانو،پال بينو اوغيب ويونکو ته ورتګ شرعاً حرام دي ځکه چه داډلې د شيطان پيروان دې دهغه ټول افعال په درواغو چل او فريب ولاړ دي که کله کوم رښتيا وايې هغه هم د خپلو شيطانې ملګرو په وسيله وي شيطانان ځکه ورسره مرسته کوي چې پدی سره خلک ګمراه کړي . نو يوه مسلمان ته کله ښايې چه په خپل لاس د شيطان په دامونو کې ځان ونښلوي .

که په چا کوډی شوي وي هغه د کوډو لري کولو لپاره کوډ ګر ته نشي ورتلای ځکه چه په حرام شي معالجه حرامه ده .

دکوډو تداوي او وقايه په قرآنې آيتونه سره کيږي هر مسلمان ته پکار ده چه دشپې لخوا د بيده کيدو پر مهال قُلْ هُوَ اللَّهُ أَحَدٌ ، قُلْ أَعُوذُ بِرَبِّ الْفَلَقِ او قُلْ أَعُوذُ بِرَبِّ النَّاسِ سورتونه ووايې او په ټول بدن يې دم کړي .

پدی کې دري کټی دي .

۱- د سنتو پيروي ځکه چه د محمدرسول الله همدا عادت ؤ .

۲- په شپه کې د بيده کيدو پر مهال د قرآن کريم تلاوت .

۳- کوډی له منځه وړي او په آينده کې کوډی په سړي باندي کوم اثر نشي کولای .

کوډ ګرو کاهينانوته د ورتګ په اړه نبوي ص ارشادات :

 «مَن أتَي عَرَّافَاً فَسَألَهُ عَن شَئٍ فَصَدَّقَهُ لمَ تُقبَل لَهُ صَلاةٌ أربَعِينَ يَوماً»1

څوک چه عرافی (عرافی هغه کس دی چه دغلا شوی مال ځای او غلا ښیی ) ته ورشې او ديوه شی په اړه له هغه څخه پوښتنه وکړی اوهغه رښتيا وبولې دڅلويښتو ورځو لمونځ يې نه قبليږي .
«مَن أتَي كاهِنَاً فَصَدَّقَهَ بمَا يَقُولُ فَقَد كفَر بمَا أنزَلَ عَلَي مُحَمَّدٍ صَلَّي الله عَلَيهِ وَ سَلَّم»2

هر څوک چه فالګير (هغه کس چه دعلم غيب دعوا کوی) ته ورشی اود هغه خبري رښتيا وګڼی داکس په هغه څه کافرشو کوم چه په محمد ص نازل شوي .

پدي اړه نور احاديث هم شته ولې زمونږ هدف خو په چټکه ټوګه د خلکو خبرول دي .

safi foundation

wasiweb.com

wasiweb.com Publisher Team publish your sent articles. you can send your articles to publish, also you can be author with us. Share the website and articles with your friends

خپل نظر مو دلته ولیکئ

Back to top button
error: