اسلام له نظرهحکمونهقرآن اړوند

موسيقي قرآن کريم حرامه کړې ده!؟

الله ﷻ فرمايي:

﴿ وَمِنَ النَّاسِ مَن يَشْتَرِي لَهْوَ الْحَدِيثِ لِيُضِلَّ عَن سَبِيلِ اللَّهِ بِغَيْرِ عِلْمٍ وَيَتَّخِذَهَا هُزُوًا ۚ أُولَٰئِكَ لَهُمْ عَذَابٌ مُّهِينٌ ﴾ [سورة لقمان: ۶].

ژباړه : ځينی دخلکو څخه هغه څوک دی چې بی ګټی شيان رانيسی ترڅو (خلک ) دالله ﷻ دلاری څخه لارورکی کړی بی له پوهی ( پدې سپيڅلی لاره) پسی مسخری ( خندا ) کوی ددغه خلکو لپاره سپکونکی عذاب دی .

په پورتني ایت کې الله ﷻ وفرمايل هغه څوک چې لهوالحديث رانيسي او خلک پرې بې لارې کوي، زه سپکونکی عذاب ورکوم. اوس پوښتنه داده چې لهوالحديث کوم شی دی چې الله ﷻ حرام ګرځولی دی اوپه قرآن کې يې ياد کړی دی؟

د دې پوښتنې جواب به له مفسرينو څخه زده کړو:

يو ستر مفسر عبدالله بن مسعود رضي الله عنه فرمايی : په الله ﷻ قسم يادوم چې لهو الحديث غناء ده.

حاصل داچې لهوالحديث موسيقی ده ځکه چې غناء د مو سيقی پرته شعر ويل دی، په ښکلي اواز سره نوکله چې موسيقي ورسره مل سی نو به يې څه حال وي. الله ﷻ د موسيقي لپاره سپکونکی عذاب وښود.

د عبدالله بن مسعود  رضي الله عنه پورتنی روايت، قاضی شوکاني رانقل کړی دی او بيا ليکی: نوموړی روايت ابن ابی شيبه، ابن حکيم بيهقي په صحيح سند سره روايت کړی دی .

اسلام اورموسيقی صفحه ( ۱۱۰ )

نيل الاوطار ( ۸ \ ۱۰۰)

سنن الکبری للبهيقی ( ۱ / ۲۲۳ )

مستدرک الحکيم ( ۲\ ۴۱۱ )

تفسيرابن جرير ( ۲۱ \ ۳۶ )

بيهقي ليکي: عبدالله بن عباس – رضي الله عنهما- ويلى دى : په پورتنى ايت كې چې الله ﷻ كوم شى حرام كړى دى هغه سندرې دي او هغه شيان دي چې د سندرو په څېر وي. امام بيهقي زياتوي: دغه خبره موږ له مجاهد ، عكرمه او ابراهيم النخعي څخه هم روايت كړې ده .

الادب المفرد مع فضل الله الصمد  (۲\۶۶۳ )

السنن الكبرى للبهيقى ( ۱\ ۲۲۱\ ۲۲۳ )

تفسيرابن كثيروايې : پورتنى ايات د سندرو غږولو په اړه نازل شوی دى .

تفسيرابن كثير ( ۳\ ۴۴۳ )

روح المعانى ( ۲۱ \ ۶۷ )

د نوموړې موضوع لپاره مفتي محمد شفيع صاحب رغنده څېړنه كړې ده، زه به يوازې د نقال په ډول د ښاغلي مفتي صاحب د ليکنې څو خبرې رانقل كړم:

الله ﷻ فرمايې :

﴿ أَفَمِنْ هَذَا الْحَدِيثِ تَعْجَبُونَ ۝  وَتَضْحَكُونَ وَلَا تَبْكُونَ ۝ وَأَنْتُمْ سَامِدُونَ ﴾ [النجم: ۵۹ـ ۶۰ـ۶۱].

ژباړه: آیا تاسې ددې خبرې (قرآن) په اړه تعجب کوئ او تاسې خاندئ (ټوکې او ملنډې کوۍ) او نه ژاړئ او تاسې بې پروايي کوونکي یاست.

په پورتنيو ایاتونو كې الله ﷻ د سامدون لفظ ويلى دى، يعنې تاسو سمود كوونكى ياست، اوس خبره داده چې سمود څه ته وايي؟

د سمود په اړه امام ابوعبيده فرمايي: په حمير ژبه كې سمود سندروته وايي.

عكرمه هم دې ته ورته روايت كړى دى او امام بخاري هم د عكرمه قول رانقل كړى دى .

روح المعانى ( ۲۷\ ۷۲ )

صحيح بخارى مجتبائى ( ۲\ ۲۷ )

علامه ابن منظور ليکي: “روى انه قال السمود الغناٰء لغة الحمير”.

ژباړه : د عبدالله ابن عباس رضي الله عنهما څخه روايت دی دى، چې فرمايي: سمود په حمير ژبه كې سندروته وايې .

لسان العرب ( ۴ \۲۰۴ )

عبدالله بن عباس رضي الله عنهما د سمود په تفسير كې فرمايلى دى :

هوالغناء باليمانية وكانوا اذا سمعوا القران غنوا تشاغلا عنه .

اخرجه عبدالرزاق والبزاز وابن جرير والبهيقى .

ژباړه : ( سمود ) په يمانى ژبه كې سندروته وايې كله چې به مشركينو قرآن کريم واوريدى نو د ځان مشغوله كولو په موخه به يې سندرې ويل پيل كړل .

روح المعانى ( ۲۷\ ۷۲)

سنن بهيقى ( ۱۰ \ ۲۲۳ )

تفسيرابن جرير ( ۴۷\۴۳\۴۴)

د يادونې وړده چې علامه هيثمي د سمود په تفسير كې په سندرو ويلو سره د عبدالله بن عباس رضي الله عنهما څخه رانقل كړى دى بيا يې ويلى دي : رواه البزارورجاله صحيح .

مجموع الزوائد  (۷\ ۱۱۶ )

د لغت نوموتى پوه علامه ابن دريد په جمهرة الغة كې وپورتنۍ خبرې ته په څرګند ډول ګوته نيولې ده او بيا يې ليکلي دي:

د دې ترڅنګ چې “سمود” سندرو ته وايې، “سمود” د هر هغه شي په معنى هم راغلى دى چې غافله كوونكى وي او يا د لوبې په ډول پاڅېدونكى وي .

جمهرة الغة (۲ \ ۶۶۵ )

د پورتني ايت تفسيراو شان نزول ته كه څوک په سالم فكر په پوره ډول ځير شي، په ښكاره ډول ترې معلومېږي چې سندرې د غفلت، ناپوهۍ او تكبر دليل دى، ځكه مشركان دا كار كوي چى الله ﷻ يې په هکله پورتنى ايت نازل كړى .

د تصوف په اسمان كې ځلانده ستورى او سترزاهد علامه سهروردي د موسيقى په حرمت كې درې اياتونه رانقل كړي دي.

وګورئ: عوارف المعارف الباب الثالث والعشرون فى القول فى السماع ردا وانكارا ( ۱۸۷)

همدا ډول الله ﷻ د سپېڅلو انسانانو د صفاتو په لړ كې فرمايي:

﴿ وَالَّذِينَ لَا يَشْهَدُونَ الزُّورَ ﴾ [سورة الفرقان: ۷۲].

ژباړه : او هغه کسان دي چې هغوى په “زور” (بې ګټوخبرو) كې نه شاملېږي .

په پورتني ايت كې چې د “سمود”  لفظ راغلى دى او الله ﷻ يې له سپېڅلو انسانانو څخه نفي كوي، په تفسير كې يې محمد بن حنفية او مجاهد ليکي: “سمود” موسيقي ته وايي.

كف الرعاع . ابن حجرالمكى مطبوع بهامش الزواجر (۱۳۹)

او علامه سيوطي هم ورته قول په الدر المنثور ۵\۸ كې د حسن او ابو حجاف څخه رانقل كړى دى .

امام ابوبكر جصاص د پورتني ايت په تفسير کې ليکي :

“عن ابى حنيفة – رحمه الله – الزور الغناء .”

ژباړه : ابوحنيفة رحمه الله څخه روايت شوی دى چې  “زور” سندرې ويل دي .

احكام القرآن ۳ \۴۲۷.

لیکنه : سید حبیب الله سمسور

donate

wasiweb.com

wasiweb.com Publisher Team publish your sent articles. you can send your articles to publish, also you can be author with us. Share the website and articles with your friends

خپل نظر مو دلته ولیکئ

Back to top button
error: