حدیثونه پښتو ژباړه

له ځانه څخه بې عزم او بې ارادې خلګ مه جوړوئ!- حدیث

عَنْ حُذَيْفَةَ قَالَ قَالَ رَسُولُ اللَّهِ -صلى الله عليه وسلم- « لاَ تَكُونُوا إِمَّعَةً تَقُولُونَ إِنْ أَحْسَنَ النَّاسُ أَحْسَنَّا وَإِنْ ظَلَمُوا ظَلَمْنَا وَلَكِنْ وَطِّنُوا أَنْفُسَكُمْ إِنْ أَحْسَنَ النَّاسُ أَنْ تُحْسِنُوا وَإِنْ أَسَاءُوا فَلاَ تَظْلِمُوا ».[سنن ترمذی2138]

ژباړه: دحذیفه رضی الله عنه څخه روایت دئ چی رسول الله صلی الله علیه وسلم وفرمایل: دځانه څخه بې موقفه ( بې ارادې ) مه جوړوئ چی تاسو وایاست: که خلګو ښه کول موږ هم ښه کوو او که خلګو ظلم کوئ موږ هم ظلم کوو، بلکی دعزم او ارادې خاوندان وسئ که خلګو ښه کول تاسو هم باید ښه وکړئ او که خلګو بد کول تاسو نو بیا ظلم مکوئ.

توضیح: یعنی دځانه څخه داسی بې موقفه، بې عزمه او بې ارادې خلګ مه جوړوئ چی په هرشی کی بیله دې چی دځانه سره فکر وکړئ او مثبت په نظر کی ونیسئ نورو خلګو ته ګورئ او ځانونه تل د نورو خلګو لارویان او مقلدین بولئ او ځانونه داسی بولئ چی که خلګو ښه کول موږ هم ښه کوو او که خلګو بد کول موږ هم بد کوو. بلکی ځانونه دعزم، موقف او ارادې خاوندان وبولئ دسالم عقل څخه په استفاده پرځان باندی باور ولرئ او ځانونه داسی جوړ کړئ چی که خلګو ښه کارونه کول تاسو هم ښه کارونه وکړئ او که خلګو بد کارونه کول تاسو نو بیا بدکارونه او ظلم مکوئ.

ددې حدیث څخه له ورایه ښکاری چی إنسان باید هیڅوخت په بدکار کی د نورو خلګو پسې ولاړ نسی، او هیڅ وخت د بدکار په کولو کی دنورو خلګو کړه وړه دځان لپاره دلیل ونه ګرځوی بلکی په ښه کارونو کی دی دخلګو پسې ځی خو په بدو کارونو کی دی د نورو خلګو پسې نه ځی.
مولوی نورالحق مظهری

safi foundation

wasiweb.com

wasiweb.com Publisher Team publish your sent articles. you can send your articles to publish, also you can be author with us. Share the website and articles with your friends

One Comment

  1. لومړۍ سلامومه !
    ستاسو معلومات ډېر ګټور دي زه ستاسو سایټ ډېر تعقیبوم او یوه غوښتنه لرم داده چې د جنت په اړه تفصیلی معلومات نلري هیله کوم چې د جنت په اړه تفصیلی معلومات وړاندې کړئ تر څو زمونږ تنده ورسره ماته شي د جنت په اړه لنډ معلومات مه خپه روی ځکه د جنت بیان قیصی ډیرې خوږې دي هر څومره چې د جنت قیصه اوږدیږي هغومره لا ډېر خوند کوي نو پدې هیله چې جور او تفصیلی معلومات وړاندې کړئ. مننه

خپل نظر مو دلته ولیکئ

Back to top button
error: