حدیثونه پښتو ژباړه

له وږیو اوتږیو سره مرسته-حدیث

ژباړه: ابوهريره رضی الله عنه یی له رسول صلی الله علیه وسلم څخه روايت كوي : الله پاك به په قيامت كي پوښتنه وكړي چي اى بنيادمه ! زه ناروغه شوى وم خو تازما دناروغۍ پوښتنه ونكړه ؟ بنيادم به ووايي : ياخدايه ! ته خو رب العلمين يي ماستاد دناروغۍ پوښتنه څنګه كړی واى ؟ الله پاك به ورته ورته ووايي اياته نه وي خبر چي زما فلانكى بنده ناروغه شوى وْ خوتادهغه دناروغۍ پوښتنه وه نكړه ؟ ته نه يي خبر كه تادهغه دناروغۍ پوښتنه كړی واى؛ نو زه به دي دهغه خواته موندلاى واى ، الله جل جلاله به بیا بنیادم ته ووای :ماله تاڅخه ډوډۍ غوښتې وه خوتاماته رانكړه ؟ بنيادم به ووايي چي ياخدايه ! ته خو دټولي نړۍ پالونكى وي ما څنګه تاته ډوډۍ دركړی واى ؟ الله پاك به ورته ووايي چي اّيا تاته نده معلومه چي زما فلانكي بنده له تاڅخه ډوډۍ غوښتی وه خو تاهغه ته ورنكړه كه تاهغه ته ډوډۍ وركړی واى نو ددې ثواب به دي زما خواته موندلی وی .اى بنيادمه! ماله تاڅخه اوبه غوښتی وي خو تارانكړی! بنده به ووايي ياخدايه ته خورب العلمين يي نو ماپه تا څنگه اوبه څښلی واى؟ الله پاك به ورته ووايي چي زما فلاني بنده له تااوبه غوښتی وي خوتانه وي وركړی كه تاپه هغه اوبه څښلی واى نو د دې ثواب به دي زما خواته موندلی وی.
د حدیثو شارحین وایې په دې قدسي حدیث کې الله له خپل محتاج بنده سره بې کچه مینه څرګنده کړې ده، هغه لوی ذات له ناروغي پاک، له لوږې او تندي پاک ده خو د خپل ناروغ بنده او وږيو او تږیو بندګانو ناروغي او لوږه او تنده یې خپله بللي ده چې په دې سره نور بندګان وهڅول شي څو د هرمحتاج انسان پوښتنه او مرسته وکړي، که یو انسان ناروغ وي یا یو انسان وږی او تږی وي، دناروغ پوښتنه وکړل شي او له وږي اوتږي سره مرسته وکړل شي د دې ټولو سترو انساني کارونو اجر او ثواب به دالله په نزد خامخا مومي، او که یې ونکړي او یو مومن په دې کارونو کې غفلت وکړي په اخرت کې به دلوی څښتن له خوا له داسي له عتابه ډکو پوښتنو سره خامخ کیږې.

حامدافغان

  د قرآن معلم او متعلم  
  ریاکاري
  د بې ګټې کار څخه ځان وژغورﺉ (حديث)
  د مال اهمیت- حدیث
  د قرآن دتلاوت اجر او ثواب
  د جمع د لمانځه ارزښت -حدیث

Tags

wasiweb Team

لیکوونکي : د وسیع ویب لیکوالي ټیم

خپل نظر مو دلته ولیکئ

Back to top button
error:
Close
Close