افغانستان مشاهیر

 فيض محمد انګار

Faiz Mohammad Angar

فيض محمد انګار د حاجی ګل محمد زوی د محمد حسن خان لمسئ د ۱۲۹۳ هجری لميز کال د حوت د میاشتی پر نهمه نيټه د کندهار ديحی خان په کوڅه کی زيږيدلی دی . لمړنی زده کړه يی د کندهار د ارګ په مکتب کی چه وروسته د تيمور شاهی مکتب په نامه ياد سو، سر ته ورسولی . د مکتب نه د فاريغ کيدو څو موده وروسته په فراه کی د فوائد عامی د مدير په توګه و ټاکل سو .

کله چه په کابل کی د اقتصاد او حقوقو پوهنځی تأسيس شوی ، انګار صاحب د بکلوريا تر ازموينی وروسته د اقتصاد پوهنځئ ته شامل شو . انګار صاحب تر څلورو کالو وروسته د اقتصاد دپوهنځی نه تر فارغ کيدو وروسته په کندهار کی د منزل باغ د آمر په توګه مقرر شو . څنګه چه انګار صاحب یو ځيرک ځوان وو او په اقتصاد کی يی ښه مهارت درلود ، تر لږ مودی وروسته په کابل کی د اقصاد په وزارت کی د نده ور په غاړه شو . په کال ۱۳۲۷ کی ا نګار صاحب د کابل په ګمرک کی لمړی د ریاست معاون او څه موه وروسته دګمرک د ريس په توګه وټاکل شو .

څنګه چه انګار صاحب د سياسی شعور خاوند وو او د وطن اقتصادی او اجتماعی وضعی ته يی تل په نيوکه سترګه کتل نو همدا سبسب وو چه دئ په کال ۱۳۲۸ د ويښ زلميانو و حرکت ته ور شامل سو . د ويښ زلميانو ګونه د افغانستان لمړنی سياسی خوځښت وو چه په ۱۳۲۰ کی د افغانستان د با احساسه او با درده ځواناون له پلوه منځ ته راغلئ وو . په کال ۱۳۲۹ کید حوت پر ۲۹ نيټه انګار صاحب د خپلو ملګرو په مصلحت په خپل شخص مصرف چاپ کړه . په دغه وخت کی د انګار د جريدی په بغل کی یوه بله جريده هم راوتلی وه چه نوم يی » ندای حق « وو . څو موده وروسته نوری جريدی لکه »وطن« او »ملی اولس« په خپريدو شروع وکړه . د انګار ملی جريده په هفته کی دوه ځله د يکشنبی او چهارشنبی په ورځ په پښتو او دری ژبو خپريده .

د انګار د جريدی عمر ډ ير کم وو . شپاړسمه ګڼه يی د دولت له پلوه مصا دره شوه ، دفتر يی وتړل شو او انګار صاحب دغلام حسن صافی او رحيم محمودی سره يو ځای بندی شول . انګار صاحب پس له شپږو مياشتو بيله کومی محکمی او يا قانونی فيصلی د زندان نه ازاد شو او کندهار ته ولاړ. په کندهار کی ددوهم ځل لپاره بندی شو. دا ځل يی د بند يخانی موده څلورنیم کالو ته ورسيده .

انګار صاحب خپل ټول عمر په سياست کی تير کړی دی او لکه تخلص چه انګار وو سايسی فعاليتونه يی هم د انګار په شان وه . ده ژوند تر آخيری سلګئ پوری أه سياست نه لاس وانه خيست او دملت لپاره وجنګيد .

انګار صاحب په ۱۳۵۷ هجری لمريز کال کی د حوت پر اوومه نيټه وفات او په کندهار کی په خپله پلرنی هديره کی خاورو ته وسپارل شو.

ټول افغانستان ویبپاڼې څخه په مننې

donate

wasiweb.com

wasiweb.com Publisher Team publish your sent articles. you can send your articles to publish, also you can be author with us. Share the website and articles with your friends

خپل نظر مو دلته ولیکئ

Back to top button
error: