سترګې او نظر

غواړﺉ چې سترګې مو سلامتې وي؟

په دې لنډه لیکنه کې درسره ځینې داسې ګټورې طبیعي لارې چارې شریکوو، چې ستاسې سترګې به د دید له کمزورۍ او نورو ناروغیو څخه وساتي.

۱. زیاتې اوبه وڅښئ: هره ورځ باید تر ۸ ګیلاسو او یا هم تر دې زیاتې اوبه وڅښل شي، ځکه اوبه څښل سترګې پاکې، روغې او جوړې ساتي. د انسان په وجود کې د اوبو کمبود د سترګو ګاټي او د سترګو داخلې برخې وچې ساتي. چې ورسره د سترګو ناروغۍ پیدا کیږي.

همدارنګه باید وویل شي، چې هره ورځ له ۸ تر ۱۲ ګیلاسو اوبه څښل د عمومي روغتیا، پوستکي او جنسي قوت لپاره هم ګتورې دي.

۲. تازه میوه او شنه سبزي: شنه او تازه سبزي او میوه جات په خپل ترکیب کې هغه مواد لري، چې د سترګو  غذایي اړتیاوې پوره کوي. شنه سبزي او تازه میوه د سترګو ناروغۍ په لویه کچه راټیټوي او د سترګو دید په زیاتولو کې مرسته کوي.

۳. د ډیجیټل وسایلو د کارولو په وخت کې دمه: په دومدار ډول په ساعتونو ساعتونو لپټاپ، سمارټ فون او دې ته ورته ډیجیټل وسایلو ته کتل سترګې ستړې او خرابوي. نو ددې ډول وسایلو د استعمال په وخت سترګو ته باید دمه ورکړئ.

روغتیا پوهان وایي، چې هر ۲۰ دقیقې وروسته، ۲۰ فوټه لرې ځای ته د ۲۰ ثانیو او یا هم زیات وخت لپاره وګورئ تر څو مو د سترګو د ناروغیو مخه ونیولی شئ.

۴. د سګریټ څکول پریږدئ: سګریټ نه یوازې سترګو بلکې د بدن عمومي روغتیا ته هم ډير زیان رسوي. سګریټ څکول د سترګو اوبه ختموي او د سترګو وچوالی پیدا کوي. نو که غواړئ چې سترګې مو ښکلې، روغې او قوي دید ولري، نو د سګریټ څکولو څخه همدا اوس لاس واخلئ.

فهیم خان صافی

safi foundation

خپل نظر مو دلته ولیکئ

Back to top button
error: