عربستان: ښځې په لومړي ځل رایه ورکوي
سعودي عربستان، هغه ځای کې، چې د ۴۰ کالو په جریان کې ټاکنې نه دې شوي!
په سعودي عربستان کې د ښاروالۍ ټاکنې کېږي، چې په لومړي ځل ښځې پکې رایې ورکوي.
له ټول ټال ۵۹۳۸ کاندیدانو څخه یې ۹۷۸ ښځې دي.
د ټاکنیزې سیالۍ پرمهال، نوماندو شویو ښځو ته اجازه شته، چې د یوې پردې ترشا خپلو مینه والو ته وینا وکړي، او یا یې پر ځای یو وکیل وغږېږي.
ټاکنیز سیالان د ښاروالۍ په شوراګانو کې د ۲۱۰۰ څوکیو لپاره سیالي کوي، خو ۱۰۵۰ نورو څوکیو ته بیا د پاچا په موافقې ټاکل کېږي.
که څه هم ښځو ته په ټاکنو کې د ګډون کولو اجازه ورکړل شوې، خو لاهم پرې د موټر چلولو بندیز دی.
دا د سعودي په تاریخ کې د خپل ډول درېیمې ټاکنې دي.
