انترنت

زمونږ په ژوند کې د انټرنیټ اهمیت

انټرنیټ د ټیکنالوجۍ له وسایلو څخه یوازینۍ هغه وسیله ده چې په نړۍ کې په پراخه کچه استعمالیږي ، ځکه چې  د بشریت تقریبا په هره څانګه کې د هغه بې شمېره فوائد شته . د انټرنیټ فائدې زیاتي دي او په ۲۴ ساعته ټوله نړۍ له یوه کونجه تر بله کونجه سره وصل کوي . د انټرنیټ په دې درو کې هیڅ شی او هیڅ ځای لري نه دی . د همدې په مټ هر نوع خبرونه په هر شکل او صورت کې  په ټوله نړۍ کې په څو دقیقو کې خپرېدلای او رسول کېدلای شي .

د انټرنیټ اهمیت

انټرنیټ یوازینۍ هغه اساسي آله ده چې په مټ یې په زیات سرعت سره خبرونه په ټوله نړۍ کې خپرېدلای شي ، لکه څنګه چې مونږ پورته وویل . د انټر نیټ له لاري هر ډول معلومات راجمع کېدلی شي ، که یې څه هم مراجع او مصادر مختلف وي او د هر فن ،ژبي او مذهب سره تړاو ولري .

همداراز انټرنیټ د مالونو او پیسو د راجمع کولو لپاره هم یوه په زړه پوري وسیله ده . هغه کاروبارونه چې مخکي به یې لپاره په میاشتو میاشتو سفر کولو ته اړتیا وه ، اوس د انټرنیټ له لاري هر څوک له خپل موقعیت څخه کولی شي چې د ملیونونوکاروبار مشافهة د مقابل لوري له لیدلو پرته وکړي . د انټرنیټ له لاري یوڅوک کولی شي چې ځان ته ویب سایټ پرانیزي او په هغه کې هر ډول معلومات او عجایبات نشر کړي ، خلګ یې ګوري او داراز یې مدیر خپله منافع لاسته کوي . زه نشم کولای چې خپل د کمپیوټر ټول کارونه یوازي سرته ورسوم ، د همدې لپاره زه د انټرنیټ له لاري د خلګو سره اړیکي نیسم، هغوی ته د کار نوعیت ښیم او هغوی ته په اجرت ورکولو سره خپل دغه کارونه په هغوی پوره کوم چې په دې توګه کار کوونکي ښې پیسې لاس ته راوړي .

انټرنیټ د وصل او اتصال لپاره هم یوه بهترینه وسیله ده . هر څوک کولی شي چې د نړۍ په هر ګوټ کې په هر وخت کې د هر ډول خلګو سره تماس ونیولی شي او د کامرې له لاري یې یو دبل سره لیده کاته هم وشي . همداراز انټرنیټ د طبعي او ترفیهي شیانو د لیدلو لکه ډول ډول ویډیوګاني ، د نړۍ ښکلي انځورونو او نادر ځایونو کتلو لپاره هم په پراخه کچه استعمالیږي . د هر ډول لوبو او ګېمونو کولو لپاره هم د انټرنیټ اهمیت له چا پټ نه دی . له دې پرته داسي بې شمېره فوائد لري چې بیانول به یې ښایي ډېر وخت ونیسي . خو ددې تر څنګ د هغه زیانونه هم بې شمېره دي چې هر مکلف باید د خپلي اسلامي او اخلاقي وجیبې پر اساس له هغو څخه ځان وژغوري .

 

donate

wasiweb.com

wasiweb.com Publisher Team publish your sent articles. you can send your articles to publish, also you can be author with us. Share the website and articles with your friends

خپل نظر مو دلته ولیکئ

Back to top button
error: