روغتیايي ګټېنباتات

زغفران د هرې ناروغۍ درمل

زغفران د اقتصادي ارزښت له مخې په نړۍ کې د لوړ قيمت لرونکو کرنيزو محصولاتو له ډلې شمېر کېږي چې د نورو محصولاتو په شان په کيلو ګرام او ټنونو نه پلورل کېږي، بلکې په ګرام او مثقال يې پېر او پلور کېږي، زغفران په غالب ګمان د مديترانې شرقي سيمې نباتاتو له ډلې شمېرل کېږي چې له دې ځايه يې کرکيله افغانستان کې هم رواج پيدا کړی، خو د ترويج او پراختيا لپاره يې لومړنۍ هڅې ۳۰ کاله وړاندې پيل شوې، خو بدبختانه د کورنيو جګړو پرمهال نيمګړې پاتې شوه.

اوسمهال د يو کيلو زغفرانو بيه په نړيوالو بازارونو کې څلورو او دولسو زرو ډالرو ترمنځ ده، په لرغونې او اوسني وخت کې د زغفرانو اکثريت مقدار د غذاګانو او مشروباتو د خوند، رنګ او بوی په ښه کولو کې او همدارنګه د ماشومانو لپاره په خوراکي توکو جوړولو کې ترې استفاده کېږي.

د زغفرانو په اړه څيړنې ښيي، چې د مختلفو ويټامينونو او د بدن اړتيا وړ بېلابېل عناصر، منرالونه او شحمي مواد ولري او په درملنه کې يې اغېز مثبت دی.

د زغفرانو په استعمال سره عصبي هضمي او تنفسي سيستمونه د ځينو ناروغیو لکه د اعصابو کمزوري، خستګي، درد، بې خوبي، کم خوراکي او تنفسي ګډوډي ورسره له منځه ځي. همدارنګه د پښتورګو او مثانې تېږي، د سرخکانو، د تبې، زيړي، د زړه د لويوالي، د توري لويوالي، شکر او پوستکي زيړ زخم، د سترګو خارښت، د کلمو د درد او همدا ډول خوني اسهال، غضلاتي دردونه او سرطاني ناروغيو لپاره په درملو کې ترې ګټه اخستل کېږي. د ليدو او اورېدو پیاوړتيا هم ډېروي، او هغوي چې د زړه له رنځه ځوريږي د زغفرانو د استعمال توصيه ورته کېږي.

د زغفرانو د حاصل ټولولو پرمهال بايد هڅه وشي څو (Stigma) برخه ميده نه شي، که چېرې ميده شي نو خپل لوړ ارزښت له لاسه ورکوي.

د يو کيلو وچ زغفران د لاسته راوړلو لپاره (۵۰۰۰۰) تازه ګلانو ته اړتيا ده او د دې شمېر پوره کولو تکليف يوازې بزګر ته معلوم دي.

صافی بنسټ خبرتیا Safi Foundation Ads Donation

wasiweb.com

wasiweb.com Publisher Team publish your sent articles. you can send your articles to publish, also you can be author with us. Share the website and articles with your friends

خپل نظر مو دلته ولیکئ

Back to top button
وسیع ویب
error: