د ګرمۍ په موسم کې خپل مخ څنګه له ګرمکو (نونکۍ) څخه پاک وساتو؟!
د اوړي په موسم کې اکثره د انسان په مخ، سینه او ملا باندې ګرمکې یا نونکۍ پیدا کیږي.
ډاکتران وايي، دا په ګرمۍ کې له خولو څخه پیدا کیږي.
د پوستکي ډاکتران وايي، که ددې غم ونه شي او مخ پاک نه شي، نو دا به د ځوانکو په څیر شي او ممکن په مخ داغ هم پاتي شي.
خو څنګه کولای شو، له دې حالت څخه ځان وژغورو؟
۱ـ ډيرې اوبه څښل. څومره چې اوبه ډیرې وڅښل شي، هومره په بدن کې د مضره افرازاتو مخه نیول کیږي.
۲ـ د میښې شیدې څښل: که سهار په نهاره د میښې ناجوشیدلې شیدې وڅښل شي، نو د بکتریا ضد عمل کوي او پر مخ د ځوانکو مخه نیسي.
۳ـ مخ په صابون مه پریمنځئ. کوښښ وکړئ، چې مخ همداسې په یخو اوبو پریمنځئ.
۴ـ د ارایش او سینګارتوکو له استعمال څخه خوداري وکړئ. څومره ډیر چې سینګار کوئ، هومره به مو په مخ ځوانوکې ډيریږي.
۵ـ نونکۍ یا ګرمکې مه زور کوئ.
ژباړه: شریف شاهین
