اسلامي معلوماتکورنۍ او ټولنې اړوند پوښتنېنیکي او ګناه

د موسيقۍ څخه د خلاصون لارې څه دي؟

 

د خلاصون لارې

وروڼو او خويندو! اوس مو چې د موسیقي حرمت او د هغه اضرار وپيژندل تاسې ته د هغه څخه د خلاصون په ځينې لارو باندې وصيت کوم هيله ده چې کلک عزم وکړئ او د دغه سترې بلاء څخه ځان خلاص کړئ.

۱- خپل څښتن (جل جلاله) ته د نصوح توبه وکړې، په تير وخت پيښمانتيا او توبه او د هغو فوراً ترک کول او د آينده لپاره د هغه د ترک کلک عزم کول او د ګناه په ترک باندې صبر اخيارول.

۲- د سندرو او موسيقۍ ټول مواد له موبايل، کمپيوټر او کور څخه ايستل او د هغه له مينځه وړل او د ناچاری په صورت کي د اسلامي اناشيدو اورېدل.

۳- پنځه وخته لمونځ په جماعت ادا کول ځکه کامل لمونځ سړی له بدو کارونو ساتي او د لمانځه کمال په جماعت سره ادا کول دي او د ښځې لپاره په خپل وخت لمونځ سره له ټولو احکامو.

۴- ډير ډير استغفار لوستل ځکه چې استغفار د ګناهونو اثر له مينځه وړي او بدن پاکوي.

۵- هر وخت او په خاص توګه د سباء او بيګا اذکار لوستل ځکه چې د اذکارو ويلو په وجه شيطان لرې کيږي او د خير لپاره سينه پراخه مومي.
۶- د فاسقو خلکو ملګرتيا پرېښودل او د هغه پر ځای د نيکو او صالحو ملګرتيا او د ذکر، علم او خير په مجلس کې برخه اخيستل.

۶- د مشهورو قاريانو د قرآن تلاوت ته غوږ نيول کوم چې په ښه اواز خشوع او خضوع سره تلاوت کوي په خاصه توګه د (محمد البراک ، شيخ ادريس أبکر او محمد انور الشحات…) تلاوت ته غوږ نيول.

۷- د پيغمبرانو عليهم السلام، صحابه کرامو او د امت د صالحو کسانو قصص لوستل او د هغوی د ژوند څخه عبرت اخيستل.

۸- په تنهايی کې له ځان سره محاسبه کول، د تير وخت په بدو کارونو پښېمانتيا او بيا د الله تعالی له وېرې او د بې حسابه نعموتو په شکرانه خپلې اوښکې تويول….. او په داسې سترګو به د دوزخ اور حرام وي.

۹- د هدايت دعا او د ټولو رزائلو څخه د خلاصون دعا او د تقوی او په ايمان باندې د ثبات دعا غوښتل.

په آخر کې د ځان او ټولو مسلمانانو وروڼو او خويندو لپاره دعا کوم چې ای الله ! مونږ د دغه ديني او اخلاقي وباء څخه خلاص کړي، فاسقو، رزيلو او فاني سندرو پر ځای مو ستا د کلام قرآن سره مينه پيدا کړي.

مولوی محمد یاسین فهیم

صافی بنسټ خبرتیا Safi Foundation Ads Donation

wasiweb.com

wasiweb.com Publisher Team publish your sent articles. you can send your articles to publish, also you can be author with us. Share the website and articles with your friends

خپل نظر مو دلته ولیکئ

Back to top button
وسیع ویب
error: