اسلامي کیسې

د عبد الله بن عمر رضی الله عنه سخاوت

میمون بن مهران رحمه الله وایي: ابن عمر رضی الله عنه په یو مجلس کې ناست و چا ورته دوه ویشت زره درهم راوړل نومړي د مجلس څخه له پاڅیدو وړاندې هغه ټول خیرات کړل.

ایوب بن وائل راسبي رحمه الله وایي: زه چې مدینې ته راغلم د ابن عمر رضی الله عنه یو ګاونډي راته کیسه وکړه چې ابن عمر رضی الله عنه ته حضرت معاویه رضی الله عنه او نورو خلکو یو څادر او لس زره درهم را ولیږل؛ خو سبا مې نوموړی په بازار کې ولید چې د څارویو لپاره یې په پور واښه اخیستل، زه په دې خبره حیران شوم؛ نو د نوموړي مینځي ته ورغلم، ورته مې وویل: زه له تا نه یوه پوښتنه کوم، رښتیا راته ووایه چې ابو عبدالرحمن (ابن عمر رضی الله عنه) ته حضرت معاویه رضی الله عنه لس زره درهم او یو څادر نه وو رالیږلي؟ هغې ویل هو را لیږلي یې وو، ما ویل: نو هغه بیا څنګه د یو درهم واښه (ګیا) په پور اخیستل؟ ویل: هغه لس زره درهم یې ټول د شپې له راتلو وړاندې پر مسکینانو ویشلي وو او څادر یې هم بل چا ته ورکړی و، په دې خبره زه لاړم او اعلان مې وکړ : ای د سوداګرو ډلې! تاسو چې څومره دنیا وګټئ نو څه به یې کړئ؟ ابن عمر رضی الله عنه ته پرون لس زره کره درهم راغلي وو هغه یې په هغه ساعت پر بې وزلو ویشلي وو او نن یې د خپلو څارویو لپاره د یو درهم واښه په پور اخیستل. [ اخرجه ابو نعیم في الحلیة ۱/۲۹۶]

مأخذ: د ایماني ژوند ځلانده بېلګې

  د حضرت ابوبکر الصدیق د لور اسماء رضي الله عنهما لوږه!
  د شُکُر عجیبه قیصه!
  رسول الله ﷺ سره د صحابه وو مينه(۱)

Tags

wasiweb Team

لیکوونکي : د وسیع ویب لیکوالي ټیم

خپل نظر مو دلته ولیکئ

Back to top button
error:
Close
Close