حدیثونو پښتو ژباړهدعاوې

د سلیمان علیه السلام د عاګاني

عَنْ عَبْدِ اللَّهِ بْنِ عَمْرٍو ،عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ ” أَنَّ سُلَيْمَانَ بْنَ دَاوُدَ صَلَّى اللَّهُ عَلَيْهِ وَسَلَّمَ لَمَّا بَنَى بَيْتَ الْمَقْدِسِ ، سَأَلَ اللَّهَ عَزَّ وَجَلَّ خِلَالًا ثَلَاثَةً : سَأَلَ اللَّهَ عَزَّوَ جَلَّ حُكْمًا يُصَادِفُ حُكْمَهُ فَأُ وتِيَهُ ،وَسَأَلَ اللَّهَ عَزَّ وَجَلَّ مُلْكًا لَا يَنْبَغِي لِأَحَدٍ مِنْ بَعْدِهِ فَأُوتِيَهُ ،وَسَأَلَ اللَّهَ عَزَّ وَجَلَّ حِينَ فَرَغَ مِنْ بِنَاءِ الْمَسْجِدِ أَنْ لَا يَأْتِيَهُ أَحَدٌ لَا يَنْهَزُهُ إِلَّا الصَّلَاةُ فِيهِ أَنْ يُخْرِجَهُ مِنْ خَطِيئَتِهِ كَيَوْمِ وَلَدَتْهُ أُمُّهُ .

د عبد الله بن عمر رضی الله عنه نه روایت دی، چې رسول الله علیه الصلاة والسلام وفرمایل:
سلیمان بن داود علیهما السلام چې کله بیت المقدس جوړ کړ، نو د الله عزوجل نه يې درې سوالونه وکړل.

(۱) داسې فیصله (حکم) چې دهغه (الله عزوجل) د حکم مطابق وي.

(۲) داسې پاچاهي چې د ده نه وروسته د بل چا په نصیب نه شي.

(۳)کله چچې د بیت المقدس د جوړولو نه فارغ شو نو داسې دعا یې وکړه : هر څوک چې دې جومات ته صرف د لمونځ په نیت راشي هغه دې د ګناهونو نه داسې پاک شي لکه په کومه ورځ چې د مور څخه د ګناهونو څخه پاک پيدا شوی يې.

دحدیث تخریج :
سنن النسايي و هذا لفظه: کتاب المساجد، باب فضل المسجد الأقصی والصلاة فیه، حدیث (۶۹۴)
ابن ماجة: أبواب اقامة الصلوات والسنة فیها، باب ماجاء فى الصلاة فى مسجد بیت المقدس. حدیث (۱۴۰۸ )

د حدیث فائدې :
۱: کله چې د صالحینو نوم یادیږي باید دعا ورته وشي او دا کار د اسلام له ادابو څخه دی.

۲: که یو کس بل ته د هغه په نه شتون كې دعا كوي، نو داسی یوه فرښته شته چې ستا دعا ته امین وايي او همغسې دعا چې تا کړې تاته كوي. د ابو الدرداء رضی الله عنه نه روایت دی، چې رسول الله علیه افضل الصلاة والسلام فرمایلی:

(مَنْ دَعَا لِأَخِيهِ بِظَهْرِ الْغَيْبِ قَالَ : الْمَلَكُ الْمُوَكَّلُ بِهِ آمِينَ ،وَلَكَ بِمِثْلٍ ).
ژباړه:کله چې څوك خپل بل ورور ته د هغه په غیاب كې دعا وکړي، نو موکلة فرښته دهغه ددعا په ځواب كې وايي آمین او تاته دې هم دا څه (چې ده دعا کړي وئ) حاصل شي.

مسلم: کتاب الذکر والدعا‌ء والتوبة والاستفار، باب: فضل الدعاء للمسلمین بظهر الغیب(۲۷۳۲)
ابو داود: کتاب الصلاة، باب تفریع أبواب الوتر، باب الدعا بظهر الغیب (۱۵۳۴)
ابن ماجة: کتاب: المناسک، باب: فضل الدعاء الحاج (۲۸۹۵)

۳: د جومات جوړول ډېر فضیلت لري. د عثمان بن عفان رضی الله عنه نه روایت دی چې وايي: ما د رسول الله علیه افضل الصلاة والسلام نه واورېدل چې هغه وفرمایل:
(مَنْ بَنَى مَسْجِدًا بَنَى اللَّهُ لَهُ مِثْلَهُ فِي الْجَنَّةِ ) .
چا چې مسجد جوړ کړ الله عز وجل به ورته په جنت دهغه په رنګ کور جوړ کړي.

بخاري: کتاب الصلاة، باب: من بني مسجدا (۴۵۰)
مسلم: کتاب: المساجد و مواضع الصلاة، باب: فضل بناء المساجد والحث علیها (۵۳۳)

۴: هغه څه چې الله عزوجل نازل کړي په هغې حکم کول واجب دي دا کار د انسان ملک ساتي او عزت زیاتوی.

۵: څوک چې په هغو جوماتونو كې لمونځ كوي، چې هغه خلکو په خپلو پیسو جوړ کړی وی، نو د جوړونكي په حسناتو كې زیاتوالی راځي. رسول الله علیه الصلاة والسلام فرمایلی:
(منْ سَنَّ فِي الْإِسْلَامِ سُنَّةً حَسَنَةً فَعُمِلَ بِهَا بَعْدَهُ كُتِبَ لَهُ مِثْلُ أَجْرِ مَنْ عَمِلَ بِهَا ،وَ لَا يَنْقُصُ مِنْ أُجُورِهِمْ شَيْءٌ ) ،

چا چې په اسلام كې ښه خبر (یا ښه کار) وکړه هغه پرې عمل وکړ او نورو هم پرې عمل وکړ، نو هغه ته د هغه د عمل کولو او د نورو په هغه د عمل کولو دواړه ثوابه دی او د هغوی په اجرونو كې کموالى نه راځي.

مسلم: کتاب الزکاة، باب: الحث علی الصدقة ولو بشق التمرة او کلمة طیبة (۱۰۱۷)

صافی بنسټ خبرتیا Safi Foundation Ads Donation

wasiweb.com

wasiweb.com Publisher Team publish your sent articles. you can send your articles to publish, also you can be author with us. Share the website and articles with your friends

خپل نظر مو دلته ولیکئ

Back to top button
وسیع ویب
error: