د اوسپني ګوتمۍ استعمال څنګه دی؟
په حدیث شریف کې راځي:
د حضرت عبدالله بن بریده رضی الله عنهما څخه روایت دﺉ چي دی له خپل پلار څخه روایت کوي چي د یوه کس د اوسپني ګوتمۍ په ګوته وه، کله چي نبی کریم صلی الله علیه وسلم ولیدﺉ ورته ویې فرمایل: تا د دوزخیانو زېور په ګوته کړیدﺉ! هغه کس ګوتمۍ و غورځول، او بیا یې پوښتنه وکړه چي یا رسول الله صلی الله علیه وسلم د څه شي ګوتمۍ په ګوته کړم؟ رسول الله صلی الله علیه وسلم ورته وفرمایل: د سپینو زرو ګوتمۍ جوړه کړه او سره زر مه ورسره ګډوه.
(ابوداؤد شریف: پاڼه: ۴۸۰)، (موطاء امام مالک روایة محمد بن الحسن الشیبانی:حدیث: ۸۱۷)، (مسند احمد حدیث: ۱۳۲) او داسي نور…
په فتاوی عالمګیري کي راغلي دي:
وفی الخجندی التختم بالحدید والصفر والرصاص مکروه للرجال والنسآء جمیعاً.
ژباړه: داوسپني، ژړو او.. ګوتمۍ هم د نارینه و لپاره اوهم د ښځو لپاره مکروه کار دی.
(فتاوی عالمګیری کتاب الکراهیة الباب العاشر، ټوک:۶ پاڼه: ۲۲۴)
په فتاوی حقانیه کي راغلي دي:
د نر او د ښځي لپاره د اوسپني ګوتمۍ استعمالول مکروه دي، د نر لپاره د سرو زرو ګوتمۍ هم نه ده روا، بلکې نر به د سپینو زرو ګوتمۍ چي تر ۵ ماشې پوري یې اندازه رسیږي هغه به استعمالوي، ښځه هم د سرو زرو او هم د سپینو زرو ګوتمۍ استعمالولای شي او د ښځې لپاره کومه اندازه نشته.
(فتاوی حقانیه: ټوک: ۲، پاڼه: ۴۱۰، ۴۱۷)
(فتاوی رحیمیه ټوک: ۱۰، پاڼه: ۱۵۹)
همدارنګه په:
(شامی ټوک: ۵ پاڼه: ۳۱۵، کتاب الحضر والاباحة فصل فی اللبس)
(مالابد منه، پاڼه: ۱۰، فصل در لباس)
(الفتاوی هندیه ټوک: ۵، پاڼه: ۳۳۵)
(البحر الراﺉق ټوک: ۸، پاڼه: ۱۹۱)
عبدالغفار جُبير
