د انسان سترګو لپاره د دوربین لنز جوړ شوی
په نړۍ کې اکثره د لرې فاصلې د لنډ لیدلو لپاره دور بین کارول کیږي، مګر اوس ساینسدانانو د سترګې داسې لینس جوړ کړی چې په سترګو شي نو د سترګو په اندازه لرې څه درته درې برابره غټ ښکاره کوي.
دغه لینس د هغه خلکو لپاره هم ګټور ثابت شوی چې د سترګو نظر یې کم وي.
په سوئزرلینډ کې د جوړ شوي فلټر لرونکي لینس بېړوالی 1.55 ملي مټره دی او د رېفلیکټوو ټیلیسکوپ ( بېرته راګرځېدونکي انځور) ټکنالوژي پکې کارول شوې چې هر څه ورسره مخامخا کیږي نو څو برابره لوی یې ښکاره کوي.
دغه لینس بغیر له جراحي عملیاتو د عام دوربین په توګه هغه خلک هم کارولی شي چې د نظر د کموالي سره مخ وي.
پدغه لینس کې داسې سویچ لګول شوی چې سړی کولی شي یو څه ځانته لوی او واړه کړي، او د رفتار اندازه هم ثبته ساتي چې پر مټ یې سړی کولی شي ووایي: اوس زما نظر په کوم ځای لګېدلی؟
بل پلو د ګوګل کمپنۍ هم په ورته زیرک نښلونکې لینس کار پېل کړی چې دهغه خلکو لپاره به وي چې د سترګو د نظر له کموالي سره مخ وي.
