د ښکاري اوښکې؛ قول نه عمل ته ګوره

یوه ښکاري په ګردجنه فضا کې مرغی ښکارکولې او دګرد لامله یې له سترګو اوښکې بهیدلې، ده به چې هره مرغۍ ونیوله وزرونه به یې ورمات کړل اوخپل لوی قفس ته به یې وغورځوله.

یوې مرغۍ نوروته وویل: زموږ ښکاري لالا څومره مهربانه سړی دی تاسویې اوښکوته وګورئ چې پر مخ یې رارواني دي؟ شاید زموږ په حال ژاړي…. بلې هوښیارې مرغۍ ورته وویل: فکرکوم په پوره معنا بېعقله یې، دهغه اوښکو ته مه ګوره دلاسونو عمل ته یې وګوره.

نن سبا ډیزساده خلک دځیني/ډیرو سیاستوالو اونورو مشرانو دخولې په خبرو اوکله د تمساح په اوښکو د دې کم عقلې مرغۍ په څیر دوکه شي. اوفکر کوي هغه یې رښتيني خواخوږی دی خو دهغه دلاسونو تیرعمل او موجوده عمل یې هیرکړی وي. د مشرانو کړنو اوعمل ته ګورئ دخولو خبرې او پر پاڼو لیکلې پروګرامونه یې دښکاري اوښکې دي.

Editorial Team

د واسع ویب د لیکوالۍ او خپرونکي ټیم لخوا. که مطالب مو خوښ شوي وي، له نورو سره یې هم شریکه کړئ. تاسو هم کولی شئ خپلې لیکنې د خپرولو لپاره موږ ته راولېږئ. #مننه_چې_یاستئ

خپل نظر مو دلته ولیکئ

wasiclinic.com
Back to top button
واسع ویب