حدیثونه پښتو ژباړه

دوه ښځي او انصاف (حدیث)

عَنْ أَبِي هُرَيْرَةَ رَضِيَ اللَّهُ عَنْهُ أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ : كَانَتْ امْرَأَتَانِ مَعَهُمَا ابْنَاهُمَا ،جَاءَ الذِّئْبُ فَذَهَبَ بِابْنِ إِحْدَاهُمَا فَقَالَتْ لِصَاحِبَتِهَا : إِنَّمَا ذَهَبَ بِابْنِكِ ، فقَالَتْ الْأُخْرَى :إِنَّمَا ذَهَبَ بِابْنِكِ ،فَتَحَاكَمَتَ اإِلَى دَاوُدَ عَلَيْهِ السَّلَام ،فَقَضَى بِهِ لِلْكُبْرَى، فَخَرَجَتَا عَلَى سُلَيْمَانَ بْنِ دَاوُدَ عَلَيْهِمَا السَّلَام ،فَأَخْبَرَتَاهُ فَقَالَ :ائْتُونِي بِالسِّكِّينِ أَشُقُّهُ بَيْنَهُمَا ،فَقَالَتْ الصُّغْرَى :لَا تَفْعَلْ ، يَرْحَمُكَ اللَّهُ ، هُوَ ابْنُهَا فَقَضَى بِهِ لِلصُّغْرَى .

د ابو هریرة رضی الله عنه نه روایت دی، چې رسول الله علیه افضل الصلاة والسلام وفرمایل: دوه ښځې وې چې هغوی سره دوه ځامن ول. لېوه راغى او د هغو ښځو څخه يې د یوې ښځې ځوى یوړ ، یوې ښځې بلې ته وویل: ستا ځوى لېوه یوړ دا بلې ورته وویل: نه! ستا ځوى لېوه یوړ. هغه دواړه ښځې داود علیه السلام ته د فیصلې لپاره راغلې.

داود علیه السلام فیصله د لوې ښځې په حق كې وکړه. هغه دواړه سلیمان بن داود علیهما السلام ته راغلې او كيسه يې ورته وکړه. سلیمان علیه السلام ورته وویل:

چاړه (چاقو) راوړی ترڅو دا ماشوم دوه ټوټې کړم او هره ټوټه يې یوې يوې ته ورکړم. کشرې (وړی) ښځې وویل: الله دې درباندی ورحمېږی داسې مه کوه.

دا د مشرې ځوى دی. سلیمان علیه السلام چې د کشرې ښځې دا خبرې واورېدې، نو د کشرې (وړې) په حق كې يې فیصله وکړه او ځوى يې ورته وسپاره.

دحدیث تخریج :
بخارى و هذا لفظه: کتاب احادیث الأنبیاء، باب: قوله تعالی: و وهبنا لداود سلیمن نعم العبد انه أواب، حدیث: (۳۴۲۷)او په کتاب الفرائض، باب: اذا ادعت المرأة ابنا (۶۷۶۹)
مسلم: کتاب الأقضیة، باب اختلاف المجتهدین، حدیث: (۱۷۲۰)
سنن النسائي: کتاب آداب القضاء، باب حکم الحاکم بعلمه (۵۴۰۴)

د حدث فائدې:
۱: جنګ د انسان خاصیت دی لکه په پورتنى كېسه كې یوې ښځې بلې ته وویل: لیوه ستا ځوی وړی دی او بلې ورته وویل: نه. بلكې ستا ځوی يې وړی دی.

۲: د جنګ په وخت كې په بل فیصله کول یو ښه کار دی.

۳: دا شوني ده چې ځوی دی د پلار نه په احکامو ډېر پوه وی.

۴: د حق د ښکاره كېدلو لپاره حیله کول جائز دي.

۵: د مور د رحم نه د الله رحم اووه ځله ډېر دی او بل داسې څوک نشته چې هغه د مور د ترحم نه ډېر ترحم ولري.

safi foundation

wasiweb.com

wasiweb.com Publisher Team publish your sent articles. you can send your articles to publish, also you can be author with us. Share the website and articles with your friends

خپل نظر مو دلته ولیکئ

Back to top button
error: