شعر

دا کومه آزادي ده؟ – شعر

په اصل او معنی راته معلومه ازادي ده
دا تاسویئ چې لمانځئ دانو کومه ازادي ده
وطن مو اشغال شوی او فکرونه تړل شوي
حاکمه غلامي ده او محکومه ازادي ده
محراب شو لوټې لوټې او ممبر خالي خالي دی
امام مو تروریست شو دا مذمومه ازادي ده
هفه چې مو نیکونو ازادي وه ترې ګټلې
هغوی چې دلته ګرځي بې مفهومه ازادي ده
پښتو د خاورو لاندې شوه غرور مو راته وژني
له ننګ حیاء غیرت ځنې محرومه ازادي ده
د پیغلو عفتونه عصمتونه پکې لوټ شوه
ځوان پکې ګمراه شوه دا معدومه ازادي ده
په لاس د دښمنانو ازادي نه شي راتللی
په مونږ راتپل شوې داڅه شومه ازادي ده
په نوم د ازادۍ دلته قومونه غلامان شوه
اوس دلته بې اساسه اوبې نومه ازادي ده
که خدای کوي له غرونو به ښارونو ته هم راشي
تر اوسه لا محدوده او ماشومه ازادي ده
یو ورځ به انوري دا سپین بیرغ دلته رپاندشي
نو بیا به درته وایم چې را درومه ازادي ده

ابو بلال انوري

donate

wasiweb.com

wasiweb.com Publisher Team publish your sent articles. you can send your articles to publish, also you can be author with us. Share the website and articles with your friends

خپل نظر مو دلته ولیکئ

Back to top button
error: