اوس ملامت څوک دی؟
دوه چینایي راهبان(مذهبي مشران ) پر اوبو پل اوښتل په دې وخت کې یوې بوډۍ مېرمنې هم هڅه کوله چې تر پل بلې خوا واوړي ، خو نه یې شوی کولای ، یو راهب يې خواته ورغی ، هغه يې غیږ کې کړه او تر پل يې واړوله.
دوي پر خپل لار روان ول، دوه ساعته وروسته يې ملګري راهب ورته ووېل:
څنګه دې هغه مېرمن راپورته کړه ؟
موږ(راهبان) خو مېرمنو ته له لاس وروړلو منعه شوي یو؟ داکار زموږ لپاره ګناه ده.
تا ولې هغه پرخپله اوږه پورته او تر پل دې واړوله؟ ته په دې کار ګناهګار شوې!
مرسته کوونکي راهب په ځواب کې ووېل:
ماخو دوه ساعته وړاندې چې هغې سره مرسته وکړه هغه مې له خپلې اوږې کوزه کړه او له ذهن څخه وباستله او ته يې تر اوسه په اړه فکر کوي، اوس ووایه ګناهګار زه یم او که ته؟؟
