آیا په روژه کې د سهار جماعت وختي بهتر دی؟

الاستفتاء:

آیا په روژه کې د سهار په جماعت اداء کوملو کې غلس افضل دی او که اسفار؟ یعنې سنت طريقه داده چې دسهار جماعت د صبح صادق د ختو څخه څو منټه وروسته سمدستي اداء شي او که دا چې وروسته یعنې چې کله ښه رڼا شي؟

الجواب:

حامدا ومصليا وبعد:  د سهار د لمانځه په وخت کې د کراهيت زمانه نشته. نو ځکه یې د استحباب لپاره د وقت تعين نه شي کېدلی. البته  د کثرة د جماعت (یعني په جماعت کې د خلکو ډېرښت) له امله که په اسفار کې وشي اوکه په غلس کې وشي دواړه صحيح د.  کذا في امداد الاحکام  ۱\۴۱۱

لکن په روژه کې د صحيحو احاديثو څخه داسې معلومېږي چې پيغمبر صلی الله علیه وسلم د سهار د جماعت لمونځ  د سپېدو د چوولو څخه کمه زمانه وروسته اداء کول. نو که په کومه سيمه کې خلګ له دغه سنت سره عادت وي ياعادت شي نو ډېره ښه خبره ده او که د سهار جماعت ته خلک وروسته راځي نو بيا دې د سهارجماعت په اسفار کې کوي يعنې چې ښه رڼا شي؟

عن زيد بن ثابت رضي الله عنه قال: :تسحرنا مع رسول الله صلى الله عليه وسلم ثم قمنا إلى الصلاة، قلت: كم كان قدر ما بينهما؟ قال: خمسين آية : بخاري ۱\ ۶۸۹ ومشکوة     ص\۶۰ اوقات الصلوة  ، مرقات ۲\۲۸

ژباړه : زید بن ثابت رضی الله عنه فرمایې : چي موږ د پیغمبر صلی الله علیه وسلم سره پشلیمی کول، بیا چي د لمانځه لپاره ولاړ شوو، راوي وایې موږ زید ته وویل: څومره وقت اوفاصله به درسول الله صلی الله علیه وسلم د پشلیمي او د سهار د جماعت د لمانځه تر منځ وه؟ نو ده راته وویل : د پنځوسو آیتونو د تلاوت په اندازه ؤ.

ما رواه الإمام البخاري  بسنده عن سهل بن سعد رضي الله عنه قال : كنت أتسحر في أهلي ثم تكون سرعتي أن أدرك السجود مع رسول الله صلى الله عليه وسلم –  أي صلاة الفجر  –

وقال الحافظ ابن حجر قوله تعجيل السحور أي الإسراع بالأكل إشارة الى أن السحور كان يقع قبل طلوع الفجر.
ومنها- ما روى مالك عن عبد الله بن أبي بكر عن أبيه : كنا ننصرف من صلاة الليل فنستعجل بالطعام مخافة الفجر .

او په فتاوی عثماني ۱\۳۶۲ کې راغلي : احتیاط په دې کې دی چې کله په موجوده نقشو کې د پشلیمي وخت ختم شې فورا دې د سهار لمونځ نه کوي بلکې لس پنځلس منټه دې انتظار کوي څو چې صبح صادق بلا اختلاف واقع شوی وي.

(د مفتي ابو یاسر له فتاوی الصیام څخه)

your ads

Advertisement | Why Ads? | Advertise here

پوهنتون چینل

پوهنتون چینل درسره سبسکرایب او شریک کړئ

سبسکرایب Subscribe

YouTube video

Editorial Team

د واسع ویب د لیکوالۍ او خپرونکي ټیم لخوا. که مطالب مو خوښ شوي وي، له نورو سره یې هم شریکه کړئ. تاسو هم کولی شئ خپلې لیکنې د خپرولو لپاره موږ ته راولېږئ. #مننه_چې_یاستئ

خپل نظر مو دلته ولیکئ

wasiclinic.com
Back to top button
واسع ویب